素菲亞 (安發大廈) (已結業)

呢間餐廳主打素食，係堅尼地城地鐵站要行5分鐘。星期日同朋友黎食，下午4點幾唔洗排隊就可以直入餐廳。我地加埋叫左4樣野食。個羅宋湯好濃味，酸酸甜甜，味道唔錯，配埋湯上面塊麵包，幾好飲。墨西哥脆皮上面既係素肉醬，如果唔係講明係素，我都食唔出，味道同真既肉醬好似，好有驚喜。之後就係三杯海鮮意粉，炒到乾身但又唔會好淡，個塊魷魚其實係素菇黎，值得一試。最後就係素豬扒burger，醬汁同菠蘿都好夾好juicy, 咬落去會咬到素豬扒一梳梳既肉，幾好味。不過少不免都係會食到重既豆味，但係整體黎講都係一個好味既素burger，薯條亦都炸得好脆。如果本身係素食追求者，絕對值得到此一遊。