影片
更多
2024-09-10
248 瀏覽
今日嚟咗西營盤呢間人氣西班牙餐廳同朋友慶祝生日。平日晚市時段餐廳都fully booked咁，好熱鬧。和牛及鵝肝配長法包 ($35)作為一個Starter嚟講好出色! 佢個賣相好似壽司。一上菜嘅時候店員會用火槍微微燒熟個和牛。而和牛之下就係外脆內裏鬆化嘅法包同埋鵝肝醬，食落口有滿滿嘅幸福感。牛頰肉配薯蓉佐長柄西蘭花及蘑菇 ($268)見佢係餐廳推介嘅菜式，相當有誠意。個牛頰肉煮到好腍身，而且個牛肉吸收晒醬汁嘅味道，非常入味。底層嘅薯蓉非常Creamy，配埋個濃味嘅牛肉汁，令人食指大動，停唔到口啊！西班牙海鮮飯西班牙海鮮飯種類有好多，我哋就揀咗佢Mark咗推介嘅傳統華倫西亞雞肉、迷迭香配青豆及雅知竹燴飯($388)。超大碟，配料例如雞肉同埋豆角嘅份量都好多。個燴飯亦都好入味，底層有啲飯焦。不過個人唔係好食得慣雅知竹。傳統西班牙炸脆條配巧克力醬及雲呢拿雪糕 ($88)Churros 都算係西班牙最出名嘅甜品之一，當然要試吓。佢炸到外脆內軟，外層沾滿咗糖粒。上菜時朱古力醬仲熱熱地，點埋雲呢拿雪糕感覺超滿足！最後以西班牙甜品利口酒作結。我哋叫咗咖啡口味。佢嘅酒精濃度都幾勁，個朋友就唔係好接受到
和牛及鵝肝配長法包 ($35)
作為一個Starter嚟講好出色! 佢個賣相好似壽司。一上菜嘅時候店員會用火槍微微燒熟個和牛。而和牛之下就係外脆內裏鬆化嘅法包同埋鵝肝醬，食落口有滿滿嘅幸福感。
牛頰肉配薯蓉佐長柄西蘭花及蘑菇 ($268)
見佢係餐廳推介嘅菜式，相當有誠意。個牛頰肉煮到好腍身，而且個牛肉吸收晒醬汁嘅味道，非常入味。底層嘅薯蓉非常Creamy，配埋個濃味嘅牛肉汁，令人食指大動，停唔到口啊！
西班牙海鮮飯
西班牙海鮮飯種類有好多，我哋就揀咗佢Mark咗推介嘅傳統華倫西亞雞肉、迷迭香配青豆及雅知竹燴飯($388)。超大碟，配料例如雞肉同埋豆角嘅份量都好多。個燴飯亦都好入味，底層有啲飯焦。不過個人唔係好食得慣雅知竹。
傳統西班牙炸脆條配巧克力醬及雲呢拿雪糕 ($88)
Churros 都算係西班牙最出名嘅甜品之一，當然要試吓。佢炸到外脆內軟，外層沾滿咗糖粒。上菜時朱古力醬仲熱熱地，點埋雲呢拿雪糕感覺超滿足！
最後以西班牙甜品利口酒作結。我哋叫咗咖啡口味。佢嘅酒精濃度都幾勁，個朋友就唔係好接受到啦，不過個人覺得都幾刺激。
張貼
