金豚亭

營業中

休息中

金豚亭係西貢敬民街，非常近公眾碼頭位置，座位唔多，假日去都要等一等位，餐廳有下午茶套餐，出前一丁配雞翼、滑蛋配多士、吉列豬扒配薯條等等，價錢$40左右，合理價錢，但因為我地行完山，所以想食返d飽肚既野☺️自選套餐AB，可揀一款主食再揀一款肉類，主食都幾吸引，有蛋包飯、烏冬、芝士撈丁，肉類就有豬牛雞魚柳，款式相當多👍🏻1. 蒜香一口牛配日式咖哩半熟蛋包飯 $66 7.5/10牛柳粒要再加$10，肉份量唔多，黑椒味重，有點搶過牛既味道，蛋幾滑😋唔會過老，如果咖喱有多少少配菜會更好2. 南瓜忌廉湯 5.5/10非常流質既南瓜湯，好似加水多過加忌廉🙈南瓜味唔重，食唔到有南瓜肉同蓉，有點失望