金豚亭

營業中

休息中

住在西貢，好自然地，好少會選擇留在西貢食任何野。所以，有好多新店，小店，對我來說，都好陌生。近日，因為一早要去覆診，見完醫生後，也肚餓了。咁，我就近近地選中這一間名叫《金豚亭》的小店，食返個簡單既港式早餐。這《金豚亭》，基本上，只是一間小小的外賣店。說是要堂食，就要借用行人專用區的空間，擺檯擺凳去招呼客人了。天氣好，在室外位飲食也許是一件好爽既事。但遇著不好天氣，就......因為店方早就做好擋雨的工作，而且兩次來都不是傾盆大雨，所以，我沒所謂，冒少少雨都照坐。第一天來，我來了一份雞扒五香肉丁麵。簡單的一碗五香肉丁麵，味道算是OK。餐廳選用的肉丁雖比較肥，但也是夠香口的。雞扒雖香，但我覺得店方煎到太硬。第二次，又是看完醫生來食個 quick breakfast。這一次，我點了他們說是人氣的豬膶麵。果然，這是一碗出色既麵，大大舊厚身，而且是剛剛好熟的。入口少少腥，但有薑絲中和了這腥的味道。再者，湯底也充滿了豬膶的香味。整碗湯麵，感覺是良好的。而太陽煎雙蛋也看得出師父有用心去煎刑燶邊的。奶茶，是一般茶餐廳擁有的質素。不算得上是差，也不算得上是好飲。我只覺得，這是能接受的質素，評分就是 OK

有驚喜。。。時常經過都見到坐滿人，價錢又唔係特別貴，可能真係好味呢，所以今日就特登去試🙂最後，點了一個牛扒連薯條，加多一個吉列雞扒蛋包飯。等咗15分鐘牛扒送到，一個$148的牛扒，厚度同大家樂早餐嗰塊一樣。。。😤 但係照片係成一寸厚！😡餐牌寫Grill / 燒，最後佢係煎。。個分別就係有油定係冇油，營養價值不同。肥好多，如果係咁我最初未必會點。商品說明不同。。🤬叫五成熟，牛扒中間就三成，側邊就九成。。唔通咁樣拉返勻就係五成？好數口👍🏻食完個牛扒，側邊啲人都走晒。我都好好脾氣哋跟進左三四次，”請問我個吉列雞扒蛋包飯整成點”?? 店東不停話整緊整緊，去到一次問佢，佢話頭先雞扒都賣晒，而家用溶緊雪（等咗20分鐘後同我講依據嘢），不過都整緊㗎啦。。再過多5分鐘，我問佢，我會否轉食其他嘢快啲❓ 我都好多謝佢好誠實咁同我講，佢話轉其他嘢會快啲。。。咁即係未整啦😤浪費晒我啲時間，食物又唔係好食，跟住食物進度又呃騙騙咁樣。難道西貢真係冇其他美食，以及舖位的較優越地點，所以佢間舖頭也能夠屹立不倒？🙄

邪惡抵食小店🍖拉絲芝士薯條🥞一口朱古力西多！-唔知大家知唔知，有調查話西貢係全港最有錢嘅地方，好多人以為，入黎食嘢好似主題公園咁貴，但其實呢到超多隱世平民小店。而呢間小店主打厚切豬扒，環境貼地，主要坐街邊室外枱凳，當然價錢就更加貼地。今季黎行山露營，或者下次夏天玩水出海，Save定就知食咩了。-🍛招牌厚切吉烈豬扒 配 日式咖喱半熟蛋包飯 ($56)1️⃣睇樣都見蛋包飯超誘人，半熟滑嫩，微甜咖哩製作簡單，唔算濃厚，但拌蛋包飯已經夠滿足。2️⃣而招牌豬扒真係超厚切，外脆之餘肉質夠軟熟，呢個價錢冇得輸。🥘脆嫩吉烈雞排 配 香濃鮮茄芝士焗飯 ($56)1️⃣蓋上邪惡芝士嘅焗飯，表面烤得微焦，酸甜蕃茄汁再混入鮮茄肉，真係平靚正。2️⃣而其實扒同飯係自由搭配，焗飯都可以配招牌豬扒，相比之下會推薦配招牌豬扒多啲。-🍖秘製BBQ醬燒豬肋骨 配薯菜 ($78)睇價錢已經覺驚人，秘製BBQ醬汁非常惹味，豬肋骨肉質結實啖啖肉，如果再軟嫩啲就更正，但呢個價錢份量真係超值。🧀拉絲芝士煙肉脆焗薯條 ($32)🫕芝士黑松露焗忌廉大啡菇 ($32)而呢到亦有唔少邪惡芝士小食，同樣價錢驚人，例如必食焗薯條，芝士拉絲之條，薯條夠香脆。🥞

🍪【#西貢】金豚亭 Fusion🐷吉列豬扒專門店 高性價比$78豚肋骨🐷.🍪西貢食街一間高性價比日本西餐，其中🐽吉列豬扒係招牌菜，即叫即炸值得一試🥰！人氣豬肋骨唔洗$100有找😱！就係咁吸引咗我嚟食😆！~~~~~~~~~~~~~🐷 人氣！秘製BBQ醬燒豚肋骨拼薯菜 $78 (3.5/5)擺盤好靚，直程好似去咗西餐廳咁😳！豬肋骨有5條，份量夠慷慨😚，美中不足係肉質鞋口咗啲🥹。薯條有調味，惹味香口😋。沙律菜有落芝麻醬，個人覺得落柚子醋同豬肋骨更夾👍🏻。.🐖 招牌厚切吉列豬扒 拼 豬骨濃湯烏冬 $50 (4/5)吉列豬扒即叫即炸，質素令人喜出望外😍😍😍！外皮炸粉輕盈，新鮮脆口，肉質軟熟😋！豬扒唔算太厚，所以稱唔上厚切🤔。後來揾到餐廳社交平台，先知金豚亭係吉列豬扒專門店😳，唔怪得豬扒幾正👏🏻！爸爸話烏冬健康清淡，後生嘅未必鍾意🤣。.🍽 跟餐加$10即有🎃南瓜湯及飲品，本來期望唔高，冇諗過南瓜湯咁高質🤤，濃郁之餘有忌廉香，爸爸話阿華田都好飲☺️！~~~~~~~~~~~~~🍪豬肋骨唔洗$100有找！就係咁吸引咗我嚟食！~~~~~~~~~~~~~味道 Taste：🍪🍪🍪🍪/5環境 Ambience：🍪

今次帶埋狗狗入西貢，唔入巷仔食，去咗望住公園仔、枱櫈擺街嘅小店。連舖頭名都唔知就揾位坐低咗，連狗狗都自動波坐定定等食。個餐牌係早餐專用，只有早餐。早餐種類選擇多到花多眼亂、菜式齊全，大女食西式，我、細女同老爺食港式。最鍾意嘅仿鮑魚通粉，竟然有雞絲，啲雞絲啖啖肉冇乜皮，啱晒怕肥嘅我；啲通粉係我鍾意嘅冇坑冇紋又實正最估唔到嘅係仲有幾粒/片脆脆，好香好脆好過癮，可能我見識少，我都係第一次食到有脆脆嘅通粉呀！值得推薦！

今日叫咗金豚亭外賣，估唔到都幾有水準😋平時成日經過都無想去試嘅衝動，但見到外賣app平d，而且附近餐廳又無咩岩食，所以就膽粗粗叫咗，獻咗我第一次比佢😄今次亦都係我寫嘅第一篇食評，所以又係第一次……個南瓜湯都幾好飲，應該係自家整瓜。但份量太少……得小半碗……攝我fat boy 牙罅都未夠啦個炸雞扒麵又幾好，芝士好多，個雞扒又炸到幾日式feel，可以！如果再包多杯嘢飲就更好啦，宜家我要自己額外再買…….

食過好多次，每次黎西貢都多數食佢。但今晚去食，叫咗煙三文魚蟹籽白汁意粉同紅酒燴牛肋條飯。煙三文魚蟹籽白汁意粉好淡，煙三文魚得兩塊仔🤏🏻不過紅酒燴牛肋條飯就一樣好食👍🏻但佢既南瓜湯好味😋但杯熱華田都係好淡😅今次有少少失水準🥹

落雨濕濕唯有叫外賣估唔到咖喱滑蛋炸雞扒飯都唔算太差有少少驚喜係個滑蛋好大塊！我估有兩至三隻蛋不過咖喱唔辣，(我中意食辣)炸雞扒 皮太厚,,,所以不過不失....最驚喜係忌廉南瓜湯! 呢個好足料咁係稠身既😆👍 唔係溝水稀支支既

金豚亭係西貢敬民街，非常近公眾碼頭位置，座位唔多，假日去都要等一等位，餐廳有下午茶套餐，出前一丁配雞翼、滑蛋配多士、吉列豬扒配薯條等等，價錢$40左右，合理價錢，但因為我地行完山，所以想食返d飽肚既野☺️自選套餐AB，可揀一款主食再揀一款肉類，主食都幾吸引，有蛋包飯、烏冬、芝士撈丁，肉類就有豬牛雞魚柳，款式相當多👍🏻1. 蒜香一口牛配日式咖哩半熟蛋包飯 $66 7.5/10牛柳粒要再加$10，肉份量唔多，黑椒味重，有點搶過牛既味道，蛋幾滑😋唔會過老，如果咖喱有多少少配菜會更好2. 南瓜忌廉湯 5.5/10非常流質既南瓜湯，好似加水多過加忌廉🙈南瓜味唔重，食唔到有南瓜肉同蓉，有點失望

以前我曾經光顧位於「高勝樓」地下，以日式「咖喱炸豬扒飯」作為招牌食品的食店「金豚亭」，選擇購買享用「金豚亭」廚房製作的「招牌厚切吉列豬扒」配「日式咖喱半熟蛋包飯」。但是實際上「金豚亭」的餐牌有個優點，就是容許食客可以自行選擇醬汁、飯類跟餸菜，然後自由搭配變成日本風料理食品。上次我還在使用上手電話「開飯喇」戶口，選擇享用「日式咖喱吉列豬扒蛋包飯」。今次我在「九龍」購買完外賣自取「咖喱牛腩飯」食品，坐小巴返回「西貢」之後，再在「金豚亭」購買「咖喱蛋包飯」，至於「蛋包飯」裡面的餸菜則選擇了享用「脆嫩吉列雞扒」。跟上次光顧「金豚亭」體驗，相隔時間大約兩年有多，但是「金豚亭」的「日式咖喱汁」實際味道仍然不算很辣，而且「咖喱汁」裡面隱約食到有一股甜味感覺。至於「脆嫩吉列雞扒」方面，或許因為「脆嫩吉列雞扒」浸在甜味「日式咖喱汁」裡面一段時間的關係吧，所以「脆嫩吉列雞扒」裡面的「雞肉」肉質口感雖然仍算是嫩滑，但是外層的吉列雞扒口感就開始變軟變腍了。今次反而有點想稱讚「金豚亭」「蛋包飯」裡面的「雞蛋」，因為「雞蛋」實際成熟程度沒有被「金豚亭」廚房煎得到過熟，所以「雞蛋」實際口感感覺變得很滑，配甜味「咖喱

因為疫情，只能外賣......我地叫左一個豬肋骨，一個蟹子烏冬，一個炸雞翼，一個蟹子沙律一啖咬落去隻雞翼雞亦度.....咦....無味既？！？忍你.....再食個蟹子沙律......喂大佬....想點呀....個底有水浸住既.......再忍.....食個烏冬啦.....咩料呀....硬過我條命喎.....好啦好啦....我都係行過俾個豬肋骨吸引去幫襯啫....食重點啦.....認真，個醬好好味既.....但係其實豬肋骨係要醃架....點解可以外面好濃，入面無味既呢......所以我決定奉獻我既第一次俾「金豚亭」上 黎 寫 食 評！好食是良知呀！只得一張相，抱歉

游完水好肚餓  見近近地 就去左呢間食～佢鋪位好細 主要都係坐室外咁 所以夏天食 都幾考你耐性嗌左個日式蛋包飯配炸雞排個飯好大碟 雞排大大塊 又好嫩滑 炸粉都唔係厚 咖喱做到甜甜地 送飯幾好～

行完山想食好多野，但係夜晚仲要食飯咁就要食下午茶但係黃黃小食店你估易搵咩！呢間得3張枱 仲要冷氣開放係咁易叫左啲小食， 最出色係個麻辣雞翼尖！食埋雞翼炸豬扒薯條🍟細店總係帶比人驚喜！我鐘意

眨吓眼又搬咗入嚟西貢幾個月，我作為銅鑼灣食神，作為一位孤獨嘅美食家，當然係要周圍食啦！其實佢隔離行有一間差唔多style嘅，我都推介嘅，但嗰間舖頭，好似只得一個人，間唔中唔會開，呢間就好似冇休息日，講真上次食過唔係好深刻都冇幫佢影相。今次呢我就帶返大餐牌啲嘢食，係一口牛配黑松露忌廉磨菇意粉，加咗個南瓜湯，飲就飲凍麥茶。點解促使我會寫食評呢？因為就係嗰個南瓜湯，個南瓜湯唔係罐頭，係人手磨出嚟，講真我作為食神，拜學過好多廚神，南瓜湯係冇乜技術，但講真冇南瓜就係辛苦冇其他嘢，大家可以留意下我之後嘅食評，有一間天台餐廳佢竟然係罐頭南瓜湯我頂你個肺...呢間小店人少少，竟然係自己磨南瓜湯，好有心好好飲，未食過南瓜嘅人如果驚，我可以保證你可以叫南瓜湯，如果飲完你覺得唔好飲，我會拆咗我自己嗰個銅鑼灣食神嘅招牌！服務員也神奇的善良，好自然。好值得去試吓！松露忌廉意粉聽落就知好食啦，加埋一口牛冇揸樓，總之經過試咗應該冇錯！努力呀小店！識我都知好少寫咁多個字「讚」人👍🏻👍🏻

假日嘅西貢特別多人，搵間有位嘅餐廳都難呢間餐廳比較細，一眼睇曬，客人都要坐喺門口3點前自選套餐仲包埋嘢飲/湯，而且西貢來講，價錢一啲都唔貴下午茶黑松露滑蛋，牛油多士佢啲蛋相當唔錯糖心蛋芝士撈丁+豬扒豬扒有啲硬，雞扒好d咖喱蛋包飯+雞扒咖喱唔係好香果種，食落味道都唔係好出，反而蛋味好重，個人鍾意食蛋覺得唔錯忌廉南瓜湯食物質素不過不失，價錢親民咁岩揀咗全部都有蛋🤣🤣我和朋友都喜歡不過餐具佢哋只有塑膠即棄的，就咁插係枱面，拎既時候難免會摸到其他叉，而且膠餐具食落無咁好feel同埋餐牌有啲痴立立，衞生方便要改善下