扒王之王 (已結業)

半年前, 我曾經去過果間食午餐, 我同d朋友一齊, 大家都係食牛扒餐, 我一向都唔鍾意食太生又或者太熟, 所以最好就係食8成熟, 剛剛好. 我地落order時, 佢問我地要幾成熟? 我地就話8成丫唔該, 但係果個四眼肥經理就話, 我地無8成熟架喎, 一係就5成, 一係就全熟. 我心諗咁奇怪???我只好要全熟:< 呢兩個月, 我都有去旺角花園街同元朗既扒王之王食, 人地都有8成熟牛扒餐. 仲好好食添好啦, 事隔半年, 前兩個星期, 我又再去西貢扒王之王食tea 牛扒餐, 又係見到果個四眼肥經理, 當然佢再一之話" 我地無8成熟架, 一係就5成, 一係就全熟" 當時有朋友在場, 所以都呑聲忍氣繼續響果度食, 不過如果我再去扒王之王, 一定唔會去西貢果間囉, 服務態度實在太差啦.