勝記海鮮酒家

營業中

休息中

身為將軍澳居民係會經常入西貢搵食，除咗飲啡就係入嚟食海鮮為主，而勝記係其中一間我哋之前最常去嘅海鮮餐廳。小食拼盤- 避風塘脆金磚拼西貢墨魚餅
脆金磚外皮炸漿香脆，豆腐嫩滑，香口惹味。
手打墨魚餅外層煎得香脆，咬落彈牙，絕對要趁熱食，食得出食材新鮮。而家登記做餐廳會員，追蹤餐廳社交平台 就會免費送！涼拌蟶子皇～建議早一日預訂～第一次凍食蟶子，有別於一般清蒸或爆炒嘅煮法，蟶子配搭特別烹調嘅醬汁做涼拌，麻油味香濃，味道酸酸味味作為開胃菜一流。椒鹽鮮鮑魚餐廳招牌菜之一，炸漿夠薄，鮑魚厚身好軟滑，椒鹽味好出好惹味～秘製瀨尿蝦一上枱已經好吸睛，瀨尿蝦王好巨型，外層嘅鹹蛋黃未食已經聞到好香，連蝦殼都煮到好酥脆，蝦肉都鮮甜，推薦👍🏻上湯龍蝦配脆米粉上湯汁都算濃郁，脆米粉沾滿醬汁又脆又香，再加上龍蝦肉彈牙爽口，口感豐富。