影片
更多
2017-11-30
246 瀏覽
最近食西餐食上癮，呢間樓上法國菜似乎唔錯，就即管試試。搭𨋢上到16樓再行一層靚樓梯上去，感覺幾好，少少grand 又少少privacy。今晚都唔多人，都係1 round 六七台客。我地一人叫一個set，有餐前小食，前菜，湯，主菜同甜品。宜家like同share Facebook fan page 仲送多款小食添。我地以為我地兩個like 左就有一款，原來係一人一款。其實太多，我都又食唔晒。餐前小食，我地叫咗香芒龍蝦水果沙律同煙三文魚凱撒沙律。香芒龍蝦水果沙律味道好fresh，佢嘅水果款式多，有奇異果、芒果、火龍果，好甜。而三文魚凱撒沙律就比較普通。我地都叫咗個黑松露花膠燉湯，好中式嘅湯，好濃郁。不過有趣嘅係，我嗰碗有三片松露，而另一碗就一片都無。前菜仲有松露焗北海道帶子，係，又係黑松露。呢度可能有平嘅黑松露供應商，哈哈。上面有芝士同埋黑松露香菇，煎過同焗嘅帶子熟度剛剛好，然後下面有啲南瓜蓉。送嘅小食有吞拿魚他他同焗蠔。兩款都係正正常常，唔算特別突出。仲有餐嗰個青檸雪芭，就好surprise。我起初奇怪點解咁快上甜品。不過其實唔係甜品黎架，係好fresh 好開胃嘅前菜。其實係多得佢，我先
我地一人叫一個set，有餐前小食，前菜，湯，主菜同甜品。宜家like同share Facebook fan page 仲送多款小食添。我地以為我地兩個like 左就有一款，原來係一人一款。其實太多，我都又食唔晒。
餐前小食，我地叫咗香芒龍蝦水果沙律同煙三文魚凱撒沙律。香芒龍蝦水果沙律味道好fresh，佢嘅水果款式多，有奇異果、芒果、火龍果，好甜。而三文魚凱撒沙律就比較普通。
我地都叫咗個黑松露花膠燉湯，好中式嘅湯，好濃郁。不過有趣嘅係，我嗰碗有三片松露，而另一碗就一片都無。
前菜仲有松露焗北海道帶子，係，又係黑松露。呢度可能有平嘅黑松露供應商，哈哈。上面有芝士同埋黑松露香菇，煎過同焗嘅帶子熟度剛剛好，然後下面有啲南瓜蓉。
送嘅小食有吞拿魚他他同焗蠔。兩款都係正正常常，唔算特別突出。
仲有餐嗰個青檸雪芭，就好surprise。我起初奇怪點解咁快上甜品。不過其實唔係甜品黎架，係好fresh 好開胃嘅前菜。其實係多得佢，我先可以有少少胃口食之後嘅主菜。
法國藍青口配蒜蓉包做主菜，嗰盤青口大鍋到乜咁，仲有超長嘅蒜蓉包，
最近幾餐都有豚類或者黑毛豬食。我覺得呢間係較為出色。佢嘅西班牙黑毛豬喺調味方面，係相對濃烈啲，但係係咁樣先吊到豚肉嘅味道。
今晚呢餐飯好多野都係黑松露，就連雪糕都係黑松露雪糕。黑松露雪糕有松露同香甜鮮奶雪糕味。不過我地覺得黑松露應配咸點，呢個唔係好岩我地口味。
呢度環境食物都唔錯，唯一美中不足係侍應講野一舊舊，佢有部份食物介紹講得太快，聽唔到佢請咩。
張貼
