影片
更多
2010-10-06
50 瀏覽
師傅同小玲老師都有好一段時間冇見, 終於早一星期前就約埋黎個大個唱, 而大個唱開始之前當然要填飽肚子先, 所以小玲老師就將呢個責任交左比師傅; 由於當時師傅身處旺角, 不過又諗唔到食咩好, 最後見到小玲老師後, 師傅先至諗到, 就提議食個怏靚正嘅西餐, 見小玲老師冇反對, 就咁決定啦!去到食店人亦唔算多, 唔使等就有位, 坐底一陣又唔夠, 隔離又有卡位, 咁又未落單當然係第一時間走位啦! 坐底後師傅就同小玲老師講, 呢間食店冇咩特別, 最特別係 “怏”! 小玲老師有少少半信半疑, 但呢樣野好快得以証實! 話說大家睇左一陣就決定落單, 師傅就揀左鐵板什扒餐配黑椒汁, 仲要跟飯, 而餐湯就揀左牛尾湯, 餐飲就揀左凍檸茶; 至於小玲老師就揀左鐵板牛柳餐配黑椒汁, 當小玲老師講完牛柳餐後, 伙計就問佢 “三, 五, 七, 九?” 小玲老師 “R”晒頭, 於是師傅就話佢知係牛柳要幾成熟, 點知小玲老師仲鬼馬話要 “四成”, 而侍應亦答得妙話 “冇!”, 最後小玲老師要左五成配上羅宋湯, 熱咖啡! 落完單後, 師傅忍唔住問左句係咪快呢? 小玲老師當然點晒頭啦, 喺小玲老師點頭嘅同時, 餐包同餐湯亦
去到食店人亦唔算多, 唔使等就有位, 坐底一陣又唔夠, 隔離又有卡位, 咁又未落單當然係第一時間走位啦! 坐底後師傅就同小玲老師講, 呢間食店冇咩特別, 最特別係 “怏”! 小玲老師有少少半信半疑, 但呢樣野好快得以証實! 話說大家睇左一陣就決定落單, 師傅就揀左鐵板什扒餐配黑椒汁, 仲要跟飯, 而餐湯就揀左牛尾湯, 餐飲就揀左凍檸茶; 至於小玲老師就揀左鐵板牛柳餐配黑椒汁, 當小玲老師講完牛柳餐後, 伙計就問佢 “三, 五, 七, 九?” 小玲老師 “R”晒頭, 於是師傅就話佢知係牛柳要幾成熟, 點知小玲老師仲鬼馬話要 “四成”, 而侍應亦答得妙話 “冇!”, 最後小玲老師要左五成配上羅宋湯, 熱咖啡!
落完單後, 師傅忍唔住問左句係咪快呢? 小玲老師當然點晒頭啦, 喺小玲老師點頭嘅同時, 餐包同餐湯亦同時登場, 速度真的非常之快呀! 於是師傅立即試下個餐包同餐湯, 餐包真的夠晒鬆軟, 加少少牛油特別芳香, 唯一要彈係唔熱囉, 叮都冇叮過, 不過可能叮完就會好硬呀! 餐湯係牛尾湯, 味道普通, 唔會太濃或太咸, 但真係唔覺有牛尾, 不過其實一早都估到, 只係師傅貪過癮啫! 飲完湯鐵板餐登場, 什扒餐都算多野食, 有腸仔, 煙肉, 火腿扒, 牛扒, 豬扒同雞扒, 伴碟仲有炸薯條同埋師傅嘅至愛雜豆!
先講下個黑椒汁, 汁底夠香夠辣, 著實非常惹味, 掂呀; 至於什扒嘅腸仔同煙肉冇咩特別, 唔會過咸, 而火腿扒一塊亦夠厚身, 真係火腿扒而唔係火腿片, 口感一流; 至於牛扒夠鬆夠薄, 冇牛味係意料中事; 豬扒就麻麻, 原因係鬆肉粉落得太多喇, 味道不太討好; 最後雞扒肉物夠鬆夠滑, 非常好味; 伴碟嘅炸薯條夠脆, 而雜豆就冇咩特別, 但師就好鍾意喇! 由於小玲老師一早知道會食唔晒, 於是亦不左少少牛柳比師傅, 牛柳真的夠鬆, 有少少牛味不過唔多, 但肯定比師傅的牛扒多好多, 加上真的煮至五成熟, 所以不錯! 凍檸茶就一般啦, 純粹解渴!
總括黎講食物質可以, 服務都算合格, 環境唔算清靜, 更加唔會有咩氣氛啦, 價錢都相宜, 每個餐都係六十幾蚊至七十幾蚊, 實際價錢已經唔記得, 不過埋單每人唔使一舊, 有咁多野食都算抵食呀! 師傅都有好一段時間冇黎呢間食店, 偶然來一次感覺真的不錯, 加上由坐底到食完都唔使四十五分鐘, 絕對稱得上快! 是次西餐廳快食係可以獲得一個笑臉, 有機會師傅一定會再黎!
張貼
