影片
更多
2014-12-24
2629 瀏覽
聖誕節節目停不了，睇戲前一個鐘想食啲嘢！肥髀話要鋸扒！ 真係高難度！因為時間唔充足，未必食得切，好在記得平台有間西餐廳！應該比美式餐廳快啲！去到要等位！5分鐘比到枱！望出去對住平台幾開揚，但枱櫈幾迫，坐得舒服但好嘈雜！店員好爽手，超快set好枱！比水比餐牌，居然有茶餐廳嘅茶餐，不過亦有扒類茶餐，如果要食著普通茶餐，唔使來呢度喇！所以叫個「羊髀配廚師豬扒」（$76）加$6配意粉，汁有3種（黑椒、蒜茸、蘑菇）我揀蘑菇！仲有湯同餐飲！食物好快到，一次過到！所以飲緊湯就到晒所有食物（要快真係幫到手 ）羅宋湯配蒜茸芝麻豬仔包，個包真係好好味，外面脆入面鬆軟，蒜茸仲好香！羅宋湯好濃！足料有蔬菜加牛腩，但比較濁！羊髀配廚師豬扒：鐵板上，汁另上，可以自己決定淋幾多，幾細心，我無即刻淋汁，因為飲緊湯，加上唔鍾意炸起晒啲油煙！羊髀扒好薄，有骨，少少韌，但唔羶，豬扒有驚喜，煎香完仲淋，唔會乾，唔錯！薯角皮脆肉淋，唔點茄汁都好味！茄子比較差，煮唔透，唔好味！意粉都另上，但係港式全淋意粉！一啲都無咬口！軟叭叭！蘑菇汁有蘑菇粒但無蘑菇味，只係啡色有咸味嘅汁，一般！早知唔加個意粉！ 熱檸茶正常！店員好快，打仗
食物好快到，一次過到！所以飲緊湯就到晒所有食物（要快真係幫到手 ）羅宋湯配蒜茸芝麻豬仔包，個包真係好好味，外面脆入面鬆軟，蒜茸仲好香！羅宋湯好濃！足料有蔬菜加牛腩，但比較濁！
羊髀配廚師豬扒：鐵板上，汁另上，可以自己決定淋幾多，幾細心，我無即刻淋汁，因為飲緊湯，加上唔鍾意炸起晒啲油煙！羊髀扒好薄，有骨，少少韌，但唔羶，豬扒有驚喜，煎香完仲淋，唔會乾，唔錯！薯角皮脆肉淋，唔點茄汁都好味！茄子比較差，煮唔透，唔好味！意粉都另上，但係港式全淋意粉！一啲都無咬口！軟叭叭！蘑菇汁有蘑菇粒但無蘑菇味，只係啡色有咸味嘅汁，一般！早知唔加個意粉！
熱檸茶正常！
店員好快，打仗一樣，幸好有禮貌，我攞碟仔同埋單都超快！雖然兩個人連服務費$90一餐茶餐！其實茶餐廳都差不多！
食完仲有鬆動時間去睇戲！
張貼
