小蟻人 甜品西餐 (已結業)

食完好野當然要同人分享! 今次呢間好野就係位於尖沙咀厚福街；位置算顯眼，特別之處係地庫。。。餐廳設有吾同餐牌；包括dinner set同埋單點。Dinner set選擇多，比起同類型既餐廳 晚餐既價錢又十分公道。當我地諗緊食咩既時候，餐廳員工就送上每人一杯雪芭。芒果味雪芭味道酸酸甜甜，作為餐前小食十分開胃。朋友點左藍梅柚子沙冰，味道帶酸 食得出入面有果肉，夠哂真材實料!而自己就點左荔枝桂花烏龍茶，超級濃郁既荔枝味配上烏龍茶簡直係絕配；若果平時怕荔枝太甜既朋友仔可以試呢一個，因為溝左烏龍茶所以成杯飲品既甜度配合得岩岩好。10個like!!!!! 頭盤我地選擇左意式拼盤，味道一般貪新鮮點左一個煙三文魚薯蓉湯，味道十分之夾。薯蓉湯好creamy但一d都吾會覺得膩。Main course揀左7成肉眼扒；有香濃既牛肉味，另外廚師控制生熟程度控制得好好，1啲都吾韌鍾意食意大利飯既朋友千祈吾好錯過呢個黑松露意大利飯，飯煮得岩岩好 軟硬適中，又十分creamy。食落重有濃濃既黑松露味道。甜品揀左員工推介既雪糕芝士夾心同埋芒果拿破輪。雪糕芝士夾心十分特別包括有我最鍾意既士多啤梨味雪糕，除此之外最值得讚既