豚王 (V Point)

營業中

休息中

豚王今次係第一次食，同出面大部分拉麵店都係一樣，自己填拉麵紙，首先係選擇自己鍾意嘅湯底同濃度，跟住係選擇配菜，再揀邊一款麵，就係選擇麵質嘅軟硬度，最後係其他配料。如果你係有選擇困難症嘅朋友，紙上面有一個選擇係，交俾廚師去決定又或者揀今日推介，咁就唔會怕每次食親都係同一款。如果唔清楚湯底係咩味道嘅朋友，餐牌上邊有湯底嘅介紹，方便第一次食嘅朋友去睇清楚先再揀返自己嘅喜好。我就揀左黑玉，姐係黑蒜油湯底，普通濃度，好有報嘅係湯中間有一個球狀物體，果個係湯濃度嘅精粹，撈勻左之後個湯真係超好味，而且拉麵個硬度真係岩我口味。男朋友就揀左赤玉，中意食辣嘅朋友應該會幾中意食，因為我覺得幾辣，但呢種辣唔係嗆喉個款辣，係好好食個款辣。追加左糖心蛋，呢個糖心蛋真係超級無敵好味。