影片
更多
2011-06-16
24 瀏覽
之前o係Openrice以$178.00買原價$488 Marco's任食生蠔Parma Ham意大利半自助晚餐,就book尋(15/6/2011 Wed)晚同男友o黎食.同其他會員一樣,o黎之前睇睇食呢個餐o既comment,咁就有心理準備喇.我o地6:45pm o黎到,已經見到有條龍等巴馬火腿同生蠔,我o地坐低o左後,即刻去攞o野食喇,我o地食o左:唔得o既有:1.鵝肝醬多士,我一放低o野即出去攞,已經剩返兩件.食o左都唔肯定係咪鵝肝醬,只覺得係一pat o野,而多士呢?唉!腍o架.2.相中面頭圓形o既,唔知咩o野,原來面係節瓜,救命!估唔到食意大利餐有呢舊o野.而佢係過腍o既.3.蕃茄芝士沙律,o係蕃茄片上求祈加pat芝士,芝士唔鹹香.4.尾二張相中士多啤梨朱古力mousse,呢個太甜.中下o既有:5.凱撒沙律,冇錯,係沙律,因為沙律菜有啲苦,唔係紫色o既羅馬生菜苦,我冇食到羅馬生菜.6.巴馬火腿,頭o個轉係男友攞,冇任何生果,我食一片,好鹹呀!!!!!唔怪得巴馬火腿要有生果伴住食啦.之後我攞o個轉就拎埋生果,伴o黎食係好啲,但依然唔係幾得.7.第4張相中o既蔬菜,男友話啲菇苦,
同其他會員一樣,o黎之前睇睇食呢個餐o既comment,咁就有心理準備喇.
我o地6:45pm o黎到,已經見到有條龍等巴馬火腿同生蠔,我o地坐低o左後,即刻去攞o野食喇,我o地食o左:
唔得o既有:
1.鵝肝醬多士,我一放低o野即出去攞,已經剩返兩件.食o左都唔肯定係咪鵝肝醬,只覺得係一pat o野,而多士呢?唉!腍o架.
2.相中面頭圓形o既,唔知咩o野,原來面係節瓜,救命!估唔到食意大利餐有呢舊o野.而佢係過腍o既.
3.蕃茄芝士沙律,o係蕃茄片上求祈加pat芝士,芝士唔鹹香.
4.尾二張相中士多啤梨朱古力mousse,呢個太甜.
中下o既有:
5.凱撒沙律,冇錯,係沙律,因為沙律菜有啲苦,唔係紫色o既羅馬生菜苦,我冇食到羅馬生菜.
6.巴馬火腿,頭o個轉係男友攞,冇任何生果,我食一片,好鹹呀!!!!!唔怪得巴馬火腿要有生果伴住食啦.
之後我攞o個轉就拎埋生果,伴o黎食係好啲,但依然唔係幾得.
7.第4張相中o既蔬菜,男友話啲菇苦,佢話’菇苦伶仃’喎.
8.尾二張相中間o既迷你栗子撻,面上o既栗子茸條開始變硬,但都好重漏o既栗子味.
冇乜問題o既有:
9.忌廉湯,都有幾多料o既.
10.辣肉腸pizza,侍應拎出o黎promote,唔係太熱,辣肉腸唔辣,有啲大蝦.但我用把切肉刀切都可以切唔開個底.
11.生蠔,每人每次只可攞三隻,唔大隻亦唔係想像中咁鮮,蠔味唔重.我同男友total只係食o左9隻.
12.紐約芝士餅
13. 第7張相中細細杯唔知係青檸定青蘋果o既啫喱仔,內裡有啲啲雜果,我係留到好後至食,唔知係咪變暖o左,我食到苦味.但男友o係我排隊時食,佢話冇乜問題.
14. 男友o既紐西蘭羊扒伴薯棵,粒薯棵可以硬到切唔開.佢話羊扒有羶味,但我又食唔出喎.
15. 藍莓芝士餅,尾二張相中o既迷你雜果撻
中上o既有:
16. 忌廉泡芙,忌廉夠香甜,都算滑溜o既,男友讚好食.
17. 我o既炭燒阿根廷肉眼扒,大件到呢….呢個大約8成熟,軟腍腍冇渣,肥瘦參半,邊位都好脆口,都仍有一點點o既牛肉鮮味.但我同男友一人食一半就已經飽晒.
好食o既有:
18. 墨西哥片伴唔辣芥末.
19. 芒果mousse cake,好香甜o既芒果味,面上芒果亦甜,男友都大讚.
20. 唔知咩o野炒飯,又係侍應畀o既,男友話畀少少.佢食o左又大讚好食,我又食,係喎,真係好好食,但其實唔知內裡有咩o野料.之後都唔見再有.
21. 第7張相中o既朱古力蛋糕,好濃朱古力味,好呢樣o既一定好開心.
22. 尾二張相o既士多啤梨mousse,唔太甜,OK.
我冇試到o既有:
23-24. 羅宋湯,燉蛋,
服務:
人手好似好唔夠,水唔會密密斟,我同男友成晚每人只飲o左兩杯水.
收碟都幾疏.
有啲比較受歡迎o既甜品,我都係頭o個轉拎定,留o係o度至有得食一次咋.
如果佢o地平時質素好高,但想用團購吸引多啲人o黎食,卻又要就返個價,攪到個個每次為幾片巴馬火腿同生蠔而排長龍,咁睇o黎就係做錯o左啦.
而且有啲人o係排隊時,唔係好似要搶灘咁,叫朋友將身邊o既甜品拎埋位,就係一邊排隊一邊o係o度食.
環境:
燈光昏暗,好難影相.枱與枱之間空間唔係咁多,最好笑係連佢o地o既女侍應都話好迫.
其他:
menu上o既o野有啲我係見唔到.
張貼
