滿江紅小甜甜 (已結業)

炎炎夏日食返啲辣嘢 出一身汗, 刺激下自己鬱悶嘅心情 去到小甜甜就梗係要食佢個麻辣魚春魚鰾煲喇, 但好可惜我哋去食嗰日佢竟然冇曬魚春不過唔緊要嗰啲魚標, 個皮滑一滑， 裏面就脆卜卜 當然重點係個汁， 今次畀足料 ，好香 另外必食嘅係佢嘅辣子田雞 今次食到要噴火 好刺激 ，唔係一般嘅刺激，係你一咬落去就會標眼水 試問自己都幾食得辣， 但今次真係食到好傷心 另外嘅就係佢的土匪雞 ，一個桶拎上嚟，好可愛 個湯酸酸甜甜少少辣， 降火啱曬！ 小甜甜真係夠曬傳奇 ，我平日去食 ，到今時今日 ，都仲係排曬隊 ，亦都好多人叫外賣 ，果然真金不怕洪爐火 咩時勢香港人都係要辣下 ，出下火