影片
更多
2023-06-07
713 瀏覽
之前睇過幾個youtuber介紹呢間餐廳自助餐，睇到我心郁郁😆上訂位官網睇左幾次都full booking，最後喺上個月1號10.餐廳開放新booking嘅時候好似搶演唱會門票咁搶book位，終於book到🥹如果大家想黎試下個buffet，就要碰下運氣睇下訂唔訂到位啦～第二樣要碰運氣嘅就係食buffet嘅嗰日係咪海鮮時令季😖(第三樣要碰運氣嘅就係天氣！嗰日坐窗邊位，可惜落雨睇唔到出面嘅海景😭)港畔提供嘅食物款式比其他酒店自助餐廳少；擺位由近門口嘅冷盤區一字型延伸到熱葷區，到最入嘅甜品區。-冷盤區- 🌕🌕🌕🌕🌑刺身好鮮甜，而且油分好足，其中帶子特別鮮甜😋最有驚喜嘅係其中一款炙燒握壽司，入口油脂佈滿口腔，十分甘香，好推介。但嗰日嘅蟹🦀️質素真係唔太好，好鹹而且鮮味唔重，可能嗰日啲蟹唔太新鮮😣-熱葷區- 🌕🌕🌕🌕🌑南瓜湯味道好濃郁，口感都好順滑👍🏼👍🏼波士頓龍蝦🦞大大舊肉擺肉口真係好正😆肉質爽口彈牙😍西冷牛扒就好睇係咪新鮮出爐，第一round拎嘅時候撞正佢新鮮出爐，口感嫩滑，味道一流。可惜第二round拎嘅牛好似擺左喺度一段時間，口感爭好多😢西式熱食入面最深刻嘅係個水果他他鵝肝，醬汁嘅鮮同鵝
港畔提供嘅食物款式比其他酒店自助餐廳少；擺位由近門口嘅冷盤區一字型延伸到熱葷區，到最入嘅甜品區。
-冷盤區- 🌕🌕🌕🌕🌑
刺身好鮮甜，而且油分好足，其中帶子特別鮮甜😋最有驚喜嘅係其中一款炙燒握壽司，入口油脂佈滿口腔，十分甘香，好推介。但嗰日嘅蟹🦀️質素真係唔太好，好鹹而且鮮味唔重，可能嗰日啲蟹唔太新鮮😣
-熱葷區- 🌕🌕🌕🌕🌑
南瓜湯味道好濃郁，口感都好順滑👍🏼👍🏼波士頓龍蝦🦞大大舊肉擺肉口真係好正😆肉質爽口彈牙😍西冷牛扒就好睇係咪新鮮出爐，第一round拎嘅時候撞正佢新鮮出爐，口感嫩滑，味道一流。可惜第二round拎嘅牛好似擺左喺度一段時間，口感爭好多😢西式熱食入面最深刻嘅係個水果他他鵝肝，醬汁嘅鮮同鵝肝十分夾，令味道好有層次，而且鵝肝油分十足，食落好香😆但怕騒嘅朋友仔應該會頂唔順佢嘅騷味～而中式熱食中最令我深刻嘅就係花膠，好入味，而且軟腍程度剛好。
-甜品區- 🌕🌕🌕🌗🌑
蛋糕整體質素唔錯，其中巴斯克蛋糕非常不錯，好香芝士味，而且唔會食幾啖就膩。第二樣推薦嘅係即叫即煎嘅crepe，煎得好香，同埋好有蛋香味😍😍餐廳亦都好有心思為我地準備左個生日蛋糕🥰(訂位時備註左係慶祝生日)但個蛋糕都幾漏，仲要係我地食緊熱食嘅中途送黎，個肚即刻俾蛋糕填滿曬🤣🤣如果下次可以揀上蛋糕時間就最好啦～
整體黎講，三個區域嘅食物質素都幾好，但個人覺得佢地嘅特色熱食，例如牛扒、龍蝦、片皮鴨，對於呢個價位黎講仲有頗大嘅進步空間，而且燈光都可以做好啲，因為我地個座位基本上只係靠檯面嗰盞小燈照明，唔太夠光🫣總括而言，係一個好唔錯嘅用餐體驗😆😆不過
就未必會特登再10.起身book位食多次啦～
張貼
