三星台菜食堂 (The L. Square) (已結業)

第一次食三星，同朋友一出𨋢同時間有對情侶剛到，個員工好快帶我地入坐然後話快d叫野食廚房要收，果時9點半左右，我地好合作快手揀好野食，叫左蕃茄牛肉麵（見餐牌英文都冇寫有spicy) ，青菜，阿嫲魯肉飯同高麗菜豬肉水餃，個水餃都幾貴，同碗麵一樣價$78，重有水果茶。蕃茄牛肉麵有大量酸菜，本人麻麻酸菜，食第一啖麵已經覺好辣同咸，明明無叫辣！見朋友交換左個飯食，d飯都幾硬，有d一嚿嚿痴埋，而個青菜同水餃一個字-咸！兩味菜都淋左大量同味醬汁，個醬有d求其似現成買最重要係好咸！食到9點40分 d員工開始叫在埸客人埋單，跟住個丫姐開始拖地，9點45分個拖地丫姐同每一枱講5分鐘後收鋪，下？我重有大半碗飯未食曬，同我哋同一時間，嗰對情侶都仲有成大碟鹽酥雞！咁唔好俾我哋入坐啦！入坐時又唔講就黎收鋪！結果未食飽就走，要去附近麥記再食！整體食物超級普通，價錢都唔平，唔會再食！