慢煮工業 (已結業)

見餐廳人氣頗高，決定預約一試，點知大失所望，名過其實。當晚分別點左一份威靈頓牛柳，安格斯肉眼扒，一份輕食拼盤及兩支手工啤酒。首先，威靈頓牛柳超級難食！！上枱切開質地十分硬又乾身，肉質似冰鮮太耐，已經呈深黑色，一啲肉汁同鮮味都冇，而且中間仲係凍嘅，唔講以為係微波爐叮一叮就出餐，根本入唔到口！其次，肉眼扒常算可以入口，上枱香味充足，但肉質同樣偏硬好難切開。二百幾嘅價錢對其期望應該係更好嘅質量。全晚最佳算係輕食拼盤，炸物全部都新鮮，可以食得出係即炸，真係靠薯條食飽肚。兩個人食最後買單600幾近七百，性價比十分低，超級唔推薦，都唔會再黎食。