影片
更多
2022-11-05
1049 瀏覽
之前去日本旅行都有食過鐵板燒，但都想係香港試下，就搵到間都開左好耐既係尖東附近既鉄板超。鉄板超大大話話都開左近三十年，屹立不倒一定有佢原因，今日試過後果然名不虛傳。叫左個活龍蝦二人前套餐，第一道菜係北海道帶子，一黎到會擺低比你影下相先，見到粒帶子已經好大粒，一路見到師傅整都已經流哂口水，佢既燒帶子一啲都唔馬虎，燒到半熟再會加上鰹魚湯去煮一陣，鰹魚湯仲有配埋新鮮海帶，食完粒勁大勁鮮甜既帶子，再飲埋佢個湯，太享受了。第二個菜係加拿大銀鱈魚，師傅燒到金黃香脆，銀鱈魚又夠肥美嫩滑，重點係見到師傅可以將塊魚皮薄切出黎再燒到脆卜卜，呢下真係嘆為觀止。之後就到成餐既重點，活龍蝦，師傅先取出龍蝦膏炒熱，再將龍蝦肉成條起出黎，連同啱先嘅蝦膏一齊炒，爽口彈牙，又夠鮮甜。之後仲有個龍蝦湯，真係原隻龍蝦頭擺落去煲，真材實料。之後就到羊架，燒羊架嘅過程就係見到師傅三兩下手勢就已經可以將去燒熟，配埋意大利黃瓜、日本番薯同埋冬菇，羊肉勁鮮嫩，一啲都唔羶，同埋好Juicy。另外套餐仲有炒芽菜同炒飯，芽菜係新加坡芽菜，炒飯又夠乾身，兩款都有櫻花蝦做配料，好比貨。甜品方面仲有蜜桃味雪葩。環境係一間間房咁，有四五個frie
叫左個活龍蝦二人前套餐，第一道菜係北海道帶子，一黎到會擺低比你影下相先，見到粒帶子已經好大粒，一路見到師傅整都已經流哂口水，佢既燒帶子一啲都唔馬虎，燒到半熟再會加上鰹魚湯去煮一陣，鰹魚湯仲有配埋新鮮海帶，食完粒勁大勁鮮甜既帶子，再飲埋佢個湯，太享受了。
第二個菜係加拿大銀鱈魚，師傅燒到金黃香脆，銀鱈魚又夠肥美嫩滑，重點係見到師傅可以將塊魚皮薄切出黎再燒到脆卜卜，呢下真係嘆為觀止。
之後就到成餐既重點，活龍蝦，師傅先取出龍蝦膏炒熱，再將龍蝦肉成條起出黎，連同啱先嘅蝦膏一齊炒，爽口彈牙，又夠鮮甜。之後仲有個龍蝦湯，真係原隻龍蝦頭擺落去煲，真材實料。
之後就到羊架，燒羊架嘅過程就係見到師傅三兩下手勢就已經可以將去燒熟，配埋意大利黃瓜、日本番薯同埋冬菇，羊肉勁鮮嫩，一啲都唔羶，同埋好Juicy。
另外套餐仲有炒芽菜同炒飯，芽菜係新加坡芽菜，炒飯又夠乾身，兩款都有櫻花蝦做配料，好比貨。甜品方面仲有蜜桃味雪葩。
環境係一間間房咁，有四五個friend 包一間房都幾抵玩，師傅燒既過程真係好睇過風景，又會同你傾下計，介紹下食物，成個用餐體驗都好舒服，今日仲見到老闆出嚟吹兩嘴，完全冇架子。所有食物都係用鹽同黑椒簡單調味，食材夠新鮮先做到。而家午巿仲做緊66折優惠，真係幾抵食。
張貼
