影片
更多
2020-08-19
949 瀏覽
約朋友，遠遠比平時自己飯餐，更追求大家餐飯嘅享受：環境享受、服務享受、氣氛享受、連眼耳口鼻都系享受😂朋友主動介紹呢到嘅點心唔錯，咁就約咗嚟呢到開餐，一來到已見幾枱食客系附近，未有滿坐情況，但位置系坐得幾舒服，枱同枱之間隔距足夠，落點心前見到點心紙，前後都系同一頁，後尾知道原來酒店支持環保♻️所以點心紙設計系前後相同，印象都幾深刻🥰👍🏻🌹海皇蜂巢芋角入口即化嘅感覺，酥化到唔使講，鐘意佢入面芋蓉十分綿密，擺入口酥皮+芋蓉味混埋，完全唔覺得好油膩，肉眼亦睇得出，外皮有隔油收油相隔段時間食第二件，依然仲系入口即化，好幸福嘅口感🌹蛋黃千層糕第二間食唔到！有椰絲、椰絲粒、咸蛋簧、奶黃、麵包層咁千層搭法一嚟佢口感豐富、二嚟幾種餡料味道非常合襯，甜品中不二之選，唔怪得朋友話呢樣必食！好甜食者一齊要點嘅一味精緻點心🌹鵝姐素粉果呢到鵝素粉果有麻油味道，餡料豐富有：蘿蔔絲、准山、帶子粒、菇...等等，皮簿餡靚，味道我覺得可以，因麻油味比較重，個人口味上未到非常讚，不過粉果配辣油嘅話就一定加分，呢到嘅辣油有辣勁得嚟系真好好味👍🏻🌹翡翠鮮蝦腸每隻蝦都非常大粒同爽口，一咬到蝦仁「索索」聲，食到些許麻油味，但好在佢皮
朋友主動介紹呢到嘅點心唔錯，咁就約咗嚟呢到開餐，一來到已見幾枱食客系附近，未有滿坐情況，但位置系坐得幾舒服，枱同枱之間隔距足夠，落點心前見到點心紙，前後都系同一頁，後尾知道原來酒店支持環保♻️
所以點心紙設計系前後相同，印象都幾深刻🥰👍🏻
🌹海皇蜂巢芋角
入口即化嘅感覺，酥化到唔使講，鐘意佢入面芋蓉十分綿密，擺入口酥皮+芋蓉味混埋，完全唔覺得好油膩，肉眼亦睇得出，外皮有隔油收油
相隔段時間食第二件，依然仲系入口即化，好幸福嘅口感
🌹蛋黃千層糕
第二間食唔到！有椰絲、椰絲粒、咸蛋簧、奶黃、麵包層咁千層搭法
一嚟佢口感豐富、二嚟幾種餡料味道非常合襯，甜品中不二之選，唔怪得朋友話呢樣必食！好甜食者一齊要點嘅一味精緻點心
🌹鵝姐素粉果
呢到鵝素粉果有麻油味道，餡料豐富有：蘿蔔絲、准山、帶子粒、菇...等等，皮簿餡靚，味道我覺得可以，因麻油味比較重，個人口味上未到非常讚，不過粉果配辣油嘅話就一定加分，呢到嘅辣油有辣勁得嚟系真好好味👍🏻
🌹翡翠鮮蝦腸每隻蝦都非常大粒同爽口，一咬到蝦仁「索索」聲，食到些許麻油味，但好在佢皮搓得夠薄夠滑嫩，自己對呢款餡料蝦仁麻麻，下次轉成其他腸粉餡料可能會更好味😋但都系個句！呢到辣油要試，冇得輸！辣油味本身比較重，配上鮮蝦腸粉可加強野味，刺激兼好味
💋整體來講，呢到環境唔錯，坐位隔距又夠闊落，裝修感覺有中式傳統熟悉感，燈光比較柔和，除咗適合同朋友飯聚外，都系個同家人食飯嘅好地方💃🏻最值得一讚嘅系呢到員工服務態度好好，會主動同食客溝通食物味道、甚至簡單嘅對話交流，有種同朋友見面嘅親切感，相信呢樣嘢系呢間中菜館留得住一班忠實食客嘅原因
🥳眼見中午都唔少食客會來聚餐，在這環境享受同朋友的傾談、親切服務、有心思的食物設計，呢餐飯食得比想像中來得更珍貴
張貼
