影片
更多
2024-10-22
359 瀏覽
［📍 黃大仙｜上海婆婆 ］黃大仙中心北館勁多野食，一上到去睇到上海婆婆裝修好靚，環境都好闊落，睇完個menu仲要勁多選擇，咁就不如坐低試下佢。首先叫左排骨擔擔麵，塊排骨酥炸出黎勁香口，而且大塊得黎仲要係厚切。擔擔麵夠哂花生醬味，麵既口感夠彈牙，唔會一坺嘢咁。另外叫左個上海菜必食既蒜泥白肉，肉片切得夠薄，蒜蓉嘅份量足夠，配埋秘製既甜豉油，夠蒜得黎又唔會好辣。好想食酸辣野，於是就叫左個熱辣辣既酸辣湯雲吞，雲吞有5粒，皮薄餡靚，酸辣湯都有少少辣，而且湯料都好多，酸酸辣辣幾開胃。最後叫多個琥珀合桃芥末蝦球，蝦球炸得外酥內嫩，口感鮮脆。芥末醬係會有少少辣，但配合埋合桃中和返個辣味，味道層次豐富。成個環境好寬敞同坐得好舒服，七點幾嚟到都差唔多滿，好多捧場客，上菜速度又快，食物選擇又多，員工都好有禮貌，整個用餐感覺良好。蒜泥白肉片 $78酸辣湯雲吞（5粒） $68排骨擔擔麵 $72琥珀合桃芥末蝦球 $148茗茶@1 $6
黃大仙中心北館勁多野食，一上到去睇到上海婆婆裝修好靚，環境都好闊落，睇完個menu仲要勁多選擇，咁就不如坐低試下佢。
首先叫左排骨擔擔麵，塊排骨酥炸出黎勁香口，而且大塊得黎仲要係厚切。擔擔麵夠哂花生醬味，麵既口感夠彈牙，唔會一坺嘢咁。
另外叫左個上海菜必食既蒜泥白肉，肉片切得夠薄，蒜蓉嘅份量足夠，配埋秘製既甜豉油，夠蒜得黎又唔會好辣。
好想食酸辣野，於是就叫左個熱辣辣既酸辣湯雲吞，雲吞有5粒，皮薄餡靚，酸辣湯都有少少辣，而且湯料都好多，酸酸辣辣幾開胃。
最後叫多個琥珀合桃芥末蝦球，蝦球炸得外酥內嫩，口感鮮脆。芥末醬係會有少少辣，但配合埋合桃中和返個辣味，味道層次豐富。
成個環境好寬敞同坐得好舒服，七點幾嚟到都差唔多滿，好多捧場客，上菜速度又快，食物選擇又多，員工都好有禮貌，整個用餐感覺良好。
蒜泥白肉片 $78
酸辣湯雲吞（5粒） $68
排骨擔擔麵 $72
琥珀合桃芥末蝦球 $148
茗茶@1 $6
張貼
