BBQ美食店

營業中

休息中

以前細個都會逢秋天就去燒嘢食，人愈大就愈懶，連燒烤場都唔去，但間唔中都會想食好juicy嘅燒雞翼，就可以去西環嘅BBQ。走港式燒烤風格，但同時有日式佐酒小食，環境是街坊親民路線，但勝在嘢食夠好味，CP值高，連本人住喺大西北嘅朋友都間唔中要去食。餐牌有燒牛豬雞海鮮蔬菜，點都會搵到嘢食，唔可以錯過佢哋嘅粥，每日只有一款，自家煲製，入口綿滑又美味。留意返，全部食物即叫即燒/整，要預少少時間，同埋位置有限，最好訂檯呀！燒鮑魚鮑魚唔會燒到太老，面層鋪滿蔥、蒜蓉，為鮮甜嘅飽魚增添惹味。菜乾豬骨粥完全食得到餐廳自己煮，大大舊豬骨同菜乾，吃得到的鹹香綿密。燒雞翼 $28一份有3件，次次都會必點，真係有自己燒嘢食果種味！軟殼蟹沙律即叫即炸嘅軟殼蟹，脆卜卜，加埋蔬菜，扮健康之選。雞泡魚乾 $58又係次次都會吃，送酒嘅必需品！燒芝士丸 $16燒到裡面嘅芝士呈流心狀態，提提大家小心燙嘴。燒冬菇 $18平時食大啡菇，呢度就食燒冬菇，既有菌香又保持到juicy多汁。燒豆卜 $18熱焫焫，加埋豉油好好味。