影片
更多
2023-07-04
503 瀏覽
想舒適唔太嘈吵咁食一餐西餐，貼地價錢，呢區我會去呢間。提供精選二人餐 ($298)及四人餐 ($488)，二人餐係主菜與意大利粉/飯各選一項先上餐湯，今次係蕃茄湯，蕃茄酸味幾出，帶有少少蕃茄肉，飲完都幾開胃。若果有片脆多士伴食就仲好。另加$60要咗客煙三文魚芒果什菜沙律，炎夏日子就係想食得清爽配以蜜糖芥末籽汁，倒幾多隨我歡喜柔軟煙三文魚捲成朵花咁，芒果香甜多汁，加埋爽口沙律菜，多重口感。差唔多食完個沙律，呢客意大利煙肉卡邦尼扁意粉就上場，份量確實足夠二人分享。撈均醬汁與材料(煙肉/洋蔥/菇片)，好等每條扁意粉都沾上醬汁。味道比起食過嘅蛋汁味偏淡，反而食到蒜香味，無咁膩; 煙肉份量唔留手，食到尾有少少咸，而扁意粉帶口感，整體都幾好味。到另一客主菜……………..加拿大豬鞍配蜜糖芥末籽汁出場，有薯條及羽衣甘藍成配菜。放低後就深深被件豬鞍嘅顏色/香味同厚度所吸引住外面燒到蜜糖色，仲有少少燶邊位，就算咁厚，都可輕鬆切開。點少少蜜糖芥末籽汁，甜甜地與咸香豬鞍肉幾夾，又可中和成件豬鞍嘅肉膩。肉質鬆軟無渣，得一條主骨，將佢”骨肉分離”無難度。餐飲選汽水唔駛補錢，放係呢個位，加埋呢隻杯同支金色搞棒，點止
提供精選二人餐 ($298)及四人餐 ($488)，二人餐係主菜與意大利粉/飯各選一項
先上餐湯，今次係蕃茄湯，蕃茄酸味幾出，帶有少少蕃茄肉，飲完都幾開胃。若果有片脆多士伴食就仲好。
另加$60要咗客煙三文魚芒果什菜沙律，炎夏日子就係想食得清爽
配以蜜糖芥末籽汁，倒幾多隨我歡喜
柔軟煙三文魚捲成朵花咁，芒果香甜多汁，加埋爽口沙律菜，多重口感。
差唔多食完個沙律，呢客意大利煙肉卡邦尼扁意粉就上場，份量確實足夠二人分享。
撈均醬汁與材料(煙肉/洋蔥/菇片)，好等每條扁意粉都沾上醬汁。味道比起食過嘅蛋汁味偏淡，反而食到蒜香味，無咁膩; 煙肉份量唔留手，食到尾有少少咸，而扁意粉帶口感，整體都幾好味。
到另一客主菜……………..加拿大豬鞍配蜜糖芥末籽汁出場，有薯條及羽衣甘藍成配菜。
放低後就深深被件豬鞍嘅顏色/香味同厚度所吸引住
外面燒到蜜糖色，仲有少少燶邊位，就算咁厚，都可輕鬆切開。
點少少蜜糖芥末籽汁，甜甜地與咸香豬鞍肉幾夾，又可中和成件豬鞍嘅肉膩。肉質鬆軟無渣，得一條主骨，將佢”骨肉分離”無難度。
餐飲選汽水唔駛補錢，放係呢個位，加埋呢隻杯同支金色搞棒，點止檸樂咁簡單。
之前呢度有咖啡產品賣，但今次去已經唔見啦。飲過佢嘅咖啡，出品有水準，就算再加錢都要嘆埋呢杯Latte先走，奶滑啡香，就算夜晚飲都唔驚訓唔到教。
張貼
