影片
更多
2023-08-04
1084 瀏覽
幾個月前黎食過「鮨政x大湖 」嘅Omakase，餐廳主打平民版嘅廚師發辦套餐，上次食過佢嘅$498套餐，性價比高，今晚再同朋友去慶生🎂今次Menu多咗個$698套餐，分別嘅係多咗生蠔、龍蝦同墨魚，但就冇咗貝類刺身，而海膽杯就會變咗海膽熱狗，海膽份量多3/4，同行三人都揀咗呢個餐😆靜岡縣高糖蕃茄配水雲菜水雲菜係類似髮菜嘅植物，口感滑潺潺，配上酸酸甜甜嘅蕃茄，幾開胃嘅一道前菜蟹肉茶碗蒸上面鋪滿蟹肉，可惜蒸蛋不夠滑，但鮮味搭夠吉列墨魚配明太子醬熱辣辣即炸嘅墨魚鮮味鹹香嘅明太子醬，口感Q彈煙煙韌韌，特製嘅醬汁更能突顯食物嘅味道鐵板龍蝦配海膽醬龍蝦爽口彈牙，加上香濃嘅海膽醬，更加能突出龍蝦原有嘅鮮味鹽燒活鰻表皮燒得香脆，魚肉保持嫩滑，加上青檸汁大大提升咗魚肉嘅鮮甜味道磯煮鮑魚配鮑魚肝醬非常吸睛嘅一道菜，師傅打開蓋時一定要記得拍片，出晒煙😆鮑魚鮮味濃郁，口感軟稔同香濃嘅鮑魚肝醬絕配石蠔、牡丹蝦、大吞拿魚石蠔新鮮肥美，口感creamy，牡丹蝦大隻又爽口，大toro充滿油脂入口即溶愛女魚白身魚，肉質爽口扎實，油脂較少，口感清爽伊左目魚味較濃，油脂較多，肉質彈牙金目鯛可以見到鮮紅嘅魚皮中間帶有金金地嘅色
靜岡縣高糖蕃茄配水雲菜
水雲菜係類似髮菜嘅植物，口感滑潺潺，配上酸酸甜甜嘅蕃茄，幾開胃嘅一道前菜
蟹肉茶碗蒸
上面鋪滿蟹肉，可惜蒸蛋不夠滑，但鮮味搭夠
吉列墨魚配明太子醬
熱辣辣即炸嘅墨魚鮮味鹹香嘅明太子醬，口感Q彈煙煙韌韌，特製嘅醬汁更能突顯食物嘅味道
鐵板龍蝦配海膽醬
龍蝦爽口彈牙，加上香濃嘅海膽醬，更加能突出龍蝦原有嘅鮮味
鹽燒活鰻
表皮燒得香脆，魚肉保持嫩滑，加上青檸汁大大提升咗魚肉嘅鮮甜味道
磯煮鮑魚配鮑魚肝醬
非常吸睛嘅一道菜，師傅打開蓋時一定要記得拍片，出晒煙😆鮑魚鮮味濃郁，口感軟稔同香濃嘅鮑魚肝醬絕配
石蠔、牡丹蝦、大吞拿魚
石蠔新鮮肥美，口感creamy，牡丹蝦大隻又爽口，大toro充滿油脂入口即溶
愛女魚
白身魚，肉質爽口扎實，油脂較少，口感清爽
伊左目
魚味較濃，油脂較多，肉質彈牙
金目鯛
可以見到鮮紅嘅魚皮中間帶有金金地嘅色澤，油脂最為豐富，魚味最濃，輕輕燒過嘅魚皮位置更能帶出魚嘅鮮味
紫蘇紋甲魷魚
口感Q彈煙靭，配上紫蘇葉獨特嘅香味，味道清新而甘甜
甜蝦
最愛嘅甜蝦壽司😍大大隻嘅甜蝦新鮮爽口，肉質鮮甜
鰈魚裙邊
火炙後嘅鰈魚裙邊，滲出香濃魚油，入口即溶，推介👍🏻
穴子
肉質細嫩柔軟，比鰻魚更加好食
飄雪紅酒鵝肝吞拿魚
重頭戲黎啦，師傅用雪硬咗咗紅酒鵝肝好似飄雪咁灑上呑拿魚壽司上，鵝肝口感絲滑香濃又軟綿，就好似食緊雪糕一樣，令平平無奇嘅赤身生色不少
海膽熱狗
師傅比嘅海膽份量足足有4層咁多，多到滿瀉，海膽鮮甜👍🏻👍🏻👍🏻
鯛魚濃湯
靜岡縣網紋蜜瓜
食過$498同$698嘅分別，個人感覺兩者相差不大，$498嘅性價比更加高。另外，舍利偏酸，如果淡口味人士就未必適合喇🙂
📍鮨政x大湖 (銅鑼灣)
銅鑼灣京士頓街9號Fashion Walk地下H2B號舖
人均消費：$700-800
食物：⭐️⭐️⭐️⭐️
環境：⭐️⭐️⭐️⭐️
回頭率：⭐️⭐️⭐️⭐️
張貼
