影片
更多
2019-04-15
932 瀏覽
話說星期六晚想打下邊爐飲下啤，死黨推薦去「肥強」，出左奧運站行一陣就到，方便！😎先講湯底，點左「胡椒豬肚湯」，個湯好清，湯頭藏有大量胡椒，真係越滾越過癮！🤪叫左碟手切牛都幾靚仔、夠淋又有肉味 👌🏻特別推薦呢度既自製餃類！！菜肉餃既料預先炒過先再包，包得大隻又多汁，真係好食到不得了！😋而死黨極力推薦最後要喺度啪埋個爉味煲仔飯！！！煲仔飯製作，時間需要45分鐘左右；煲完啲爉味油滲哂落啲飯到，陣陣油香，好吸引！臘腸咬落口，咸甜適中，而潤腸就甘香味濃，送飯一流！最後個飯焦靚得黎又脆口。真心大！滿！足！🤤最後講下呢度服務都唔錯 侍應姐姐會主動幫你加湯 唔洗自己叫，抵讚！💯肥強火鍋走親民貼地路線，食物新鮮又有特式，定價又唔貴，火鍋湯底都多選擇！🙌🏻 值得推介 👍🏻
先講湯底，點左「胡椒豬肚湯」，個湯好清，湯頭藏有大量胡椒，真係越滾越過癮！🤪
叫左碟手切牛都幾靚仔、夠淋又有肉味 👌🏻
特別推薦呢度既自製餃類！！菜肉餃既料預先炒過先再包，包得大隻又多汁，真係好食到不得了！😋
而死黨極力推薦最後要喺度啪埋個爉味煲仔飯！！！煲仔飯製作，時間需要45分鐘左右；煲完啲爉味油滲哂落啲飯到，陣陣油香，好吸引！臘腸咬落口，咸甜適中，而潤腸就甘香味濃，送飯一流！最後個飯焦靚得黎又脆口。真心大！滿！足！🤤
最後講下呢度服務都唔錯 侍應姐姐會主動幫你加湯 唔洗自己叫，抵讚！💯
肥強火鍋走親民貼地路線，食物新鮮又有特式，定價又唔貴，火鍋湯底都多選擇！🙌🏻 值得推介 👍🏻
張貼