My Boat (已結業)

成日聽人講觀塘工廠區有好多特別又有水準既樓上餐廳，一直想試好耐，咁岩同老婆係觀塘行完街搵野食，見到有間新開張餐廳，一於去試下去到餐廳門口就見到一個好sharp船舵招牌,就好似海邊餐廳一樣。已餐廳入面好大同有一幅海邊壁畫，讓人感覺由如置身海邊，好relax，而坐位之間不會坐得密密麻麻到如快餐店茶記般，坐得好舒服同老婆叫左兩個晚餐加一個小食，頭盤有湯或薯仔蛋沙律選擇，我就要左一個沙律，味道ok,而且份量都好多。到主菜我叫左一份安格斯肉眼扒配黑椒汁加意粉，味道唔錯，牛扒好juice，真係入口即溶，只是黑椒汁有少少淡。而老婆叫左一份白汁蘑菇三文魚意粉，我攞左一塊三文魚黎食，好大塊好夠味。到小食瑞士雞亦，這個真的不得了，雞亦好入味好滑，絕對可比美太平館，值得推介試下。總括黎講，呢間餐廳令我對工廠區樓上餐廳留下一個好印象，我亦都會推介給朋友同再次幫襯。