壹檸壹鮮果茶

營業中

休息中

一年365日都會想飲手搖飲品，呢日飲咗間較健康嘅甘露專門店，主打用新鮮水果製作飲品🥰 牛油果甘露呢杯真係好足料啊，每一啖都係飲到牛油果蓉同埋芒果粒，入面仲有脆波波，係較有口感嘅寒天晶球😙 奶底用上椰奶，味道唔會好甜。其他口味仲有楊枝甘露或者榴槤甘露，我估入面都係有好多果肉，勁真材實料✌🏻 下次要試吓先。草莓冰茶除咗有草莓肉之外，茶底有手打檸檬茶嘅味道，飲落口更有層次🍵 甜度固定，但都欣賞佢主要有草莓嘅果甜，清清地，令我飲呢啲手搖飲品都唔覺太邪惡🤣呢間小店嘅鮮果茶而家做緊一周年優惠，買第二杯有半價，咁就更加抵飲啦🤩