麵屋常勝

營業中

休息中

今次又喺觀塘搵朋友收工，再次encore呢間麵屋常勝，真係好鍾意佢哋嗰個拉麵湯底，唔係味精湯。今次都叫返我上次好鍾意嘅極上龍蝦湯叉燒拉麵，原來呢碗亦都係人氣之選，最多人叫。朋友就叫咗一碗常勝豚骨清湯拉麵轉烏冬。我哋兩個都好健康咁加咗椰菜。真係好欣賞個湯底冇味精，就算連湯食，食完都唔會口乾，證明真材實料。整體覺得食物質素性價比高，出街閑閑地食碗拉麵都過$100，所以覺得呢度其實係幾抵食。小食方面質素同上次一樣唔錯，我哋鍾意嘅都係炸魷魚鬚同埋炸蠔，驚一碗拉麵唔夠飽口痕嘅話就可以叫埋呢啲小食。