Times Coffee

營業中

休息中

今次同狗狗去左一間台式校園風嘅Cafe～店舖裝修係以課室為主題～真係好有學校嘅感覺！枱枱凳凳全部都係同真正學校課室入邊嘅一樣, 連黑板都有, 感覺好逼真! 嘢食方面，因為我哋係下午茶時間食唔落正餐～所以叫咗一啲甜點! 叫咗一個焦糖燉蛋抹茶冰同埋一個Frolicbake 期間限定tea set! 焦糖燉蛋抹茶冰嘅賣相好靚, 上面係焦糖燉蛋真係有焦脆嘅感覺! 下面抹茶刨冰入邊仲有啲脆脆添, 食落好有層次感~ 淡淡嘅抹茶香唔會太苦, 幾好食!Tea set性價比都幾高, $68有一個蛋糕同埋一杯咖啡～不過味道就普普通通! 刨冰價錢雖然有啲貴，但係幾好味，過嚟打下卡都唔錯～而家室內寵物友善嘅餐廳好少, 呢個都係唔錯嘅選擇！