影片
更多
2019-02-01
186 瀏覽
朋友最近極度推薦一間私房四川菜—川味港，係咁約我去試下，咁啱呢排天氣又幾凍想食番啲辣野，咁就不妨試下啦！餐廳位置係華成中心，係觀塘比較出名嘅美食集中地，位置唔難搵，不過壞因為升降機壞左要行一層樓梯～餐廳入面好似係朋友屋企食緊野咁，氣氛好家庭有親切feel，同出面工廈環境完全唔同。老闆睇落幾COOL，但比想像中NICE。佢一人包辦侍應同廚師，睇得出佢比足心機去經營。我選擇困難症再度發作，老闆見狀推薦左幾道菜俾我地，落完單就入廚房動工，即叫即煮。第一味菜係野山椒仙爪。白雲仙爪去左骨同腳趾唔使lur，適合進食想保持儀態嘅女仔。成道菜帶有酸酸味同濃烈辣味。雖然辣到有少少攻鼻，但配合仙爪同蘿蔔爽脆口感，一路辣住咁食，非常過癮！下一道係巴蜀羊腩煲。食落比睇起上黎辣啲啲，但係都係接受程度內。羊腩炆到軟軟地，但又唔會淋到鬆散，口感相當好。辣味蓋過左羊騷味，但羊腩本身嘅肉味仍然Keep到，配埋特製腐乳醬咸香味，好好食！煲入面仲有枝竹、冬菇同筍，滲透哂嘅辣湯加成下相當惹味。酸辣花菜都落左少量辣椒同泡椒，微酸調味加上花菜鮮甜，味道好夾好出，配合爽脆口感，清爽又刺激。最後係辣子雞軟骨，見到成個碟都係辣椒嚇左一
餐廳入面好似係朋友屋企食緊野咁，氣氛好家庭有親切feel，同出面工廈環境完全唔同。老闆睇落幾COOL，但比想像中NICE。佢一人包辦侍應同廚師，睇得出佢比足心機去經營。
我選擇困難症再度發作，老闆見狀推薦左幾道菜俾我地，落完單就入廚房動工，即叫即煮。
第一味菜係野山椒仙爪。白雲仙爪去左骨同腳趾唔使lur，適合進食想保持儀態嘅女仔。成道菜帶有酸酸味同濃烈辣味。雖然辣到有少少攻鼻，但配合仙爪同蘿蔔爽脆口感，一路辣住咁食，非常過癮！
下一道係巴蜀羊腩煲。食落比睇起上黎辣啲啲，但係都係接受程度內。羊腩炆到軟軟地，但又唔會淋到鬆散，口感相當好。辣味蓋過左羊騷味，但羊腩本身嘅肉味仍然Keep到，配埋特製腐乳醬咸香味，好好食！煲入面仲有枝竹、冬菇同筍，滲透哂嘅辣湯加成下相當惹味。
酸辣花菜都落左少量辣椒同泡椒，微酸調味加上花菜鮮甜，味道好夾好出，配合爽脆口感，清爽又刺激。
最後係辣子雞軟骨，見到成個碟都係辣椒嚇左一跳，以為會辣到紅都面哂，但炸完嘅辣椒辣度大減，同時帶出左另一種辣香，非常特別。雞軟骨外皮酥脆，入面香脆，又香又辣，送啤酒一流。
最尾老闆仲好熱情咁關心下我地，問下啲野食啱唔啱食，用心去做咪呢啲囉。
野食有水準又有service，價錢又合理，十分推薦鍾意食辣嘅朋友試下呢間。
張貼
