影片
更多
2022-08-09
391 瀏覽
觀塘駱駝漆食肆雲集，星期六去咗幫襯「CHiLL-i」。之前經過已經想食，但晚市收得早，所以未有機會一嚐😬。估唔到餐廳週末都有提供午市套餐，主菜介乎$68至$128不等，升級做豪華定食加$30🍱，包餐湯、小食兩款同甜品。套餐內容豐富，擺盤繽紛。泰式青咖喱·烤雞扒·牛油果·泰國香米白飯($98)，🥘青咖喱味道正宗，辣度顯著，幾惹味，撈飯食一流，但質感略嫌有啲滑潺潺。🥑伴旁搭配牛油果，組合特別，而且亦能中和辣味。🐔烤雞扒大大塊，煎至外脆肉嫩。香煎盲曹魚柳·意大利茄醬燴菜·薯仔沙律($98)，菜式賣相吸引，面頭插咗兩條墨魚麵作點綴。🐟盲曹魚柳大件兼厚身，肉質超滑又無骨。其他伴菜同樣出色，🥔薯仔沙律清涼好味道；茄醬燴瓜菜則好鮮甜，酸度適中🍅。是日餐湯係蘑菇湯🍄，味道好濃郁，飲得出係用咗好多菇菌打成。炸麥樂雞🍗，呢款小食雖則簡單，不過好香口，大人細路都啱食。碎蛋沙律🥚，蛋白彈牙，將蛋黃打蓉撈匀，好似食緊烚蛋咁。蟹柳沙律🦀，呢個係日式風味，食落幾開胃，如果加埋青瓜絲同蟹籽就正喇。薄荷青檸梳打(午餐價$28)，🍋梳打大大杯，冰涼解渴，啱晒夏天飲。薄荷同檸檬味一樣突出，而且唔會太甜。熱焦糖咖啡(午餐價$
觀塘駱駝漆食肆雲集，星期六去咗幫襯「CHiLL-i」。之前經過已經想食，但晚市收得早，所以未有機會一嚐😬。
估唔到餐廳週末都有提供午市套餐，主菜介乎$68至$128不等，升級做豪華定食加$30🍱，包餐湯、小食兩款同甜品。套餐內容豐富，擺盤繽紛。
泰式青咖喱·烤雞扒·牛油果·泰國香米白飯($98)，🥘青咖喱味道正宗，辣度顯著，幾惹味，撈飯食一流，但質感略嫌有啲滑潺潺。🥑伴旁搭配牛油果，組合特別，而且亦能中和辣味。🐔烤雞扒大大塊，煎至外脆肉嫩。
香煎盲曹魚柳·意大利茄醬燴菜·薯仔沙律($98)，菜式賣相吸引，面頭插咗兩條墨魚麵作點綴。🐟盲曹魚柳大件兼厚身，肉質超滑又無骨。其他伴菜同樣出色，🥔薯仔沙律清涼好味道；茄醬燴瓜菜則好鮮甜，酸度適中🍅。
是日餐湯係蘑菇湯🍄，味道好濃郁，飲得出係用咗好多菇菌打成。
炸麥樂雞🍗，呢款小食雖則簡單，不過好香口，大人細路都啱食。
碎蛋沙律🥚，蛋白彈牙，將蛋黃打蓉撈匀，好似食緊烚蛋咁。
蟹柳沙律🦀，呢個係日式風味，食落幾開胃，如果加埋青瓜絲同蟹籽就正喇。
薄荷青檸梳打(午餐價$28)，🍋梳打大大杯，冰涼解渴，啱晒夏天飲。薄荷同檸檬味一樣突出，而且唔會太甜。
熱焦糖咖啡(午餐價$15)，☕️咖啡拉花幾靚，聞落香味四溢。焦糖味適中，減輕咗苦澀。
甜品係一口芝士蛋糕🍰，味道唔錯，而且仲搭咗啲水果添。
環境方面，餐廳面積唔大，座位得二十個左右，所以好大機會要等位。呢度冇華麗嘅裝修，不過樸素嘅設計亦令人舒服😊。
總括嚟講，呢間工廈餐廳將日式定食嘅概念，融入於西式美食當中🍽，為客人帶來新體驗。席上好似有唔少係熟客，聽講餐牌會定期轉換呢。
張貼
