火鍋仔

營業中

休息中

上樓私房打邊爐 回頭率100% 每年都要同好多朋友同屋企人上黎食。夏天平時都會上黎嘆住冷氣食 難得到左冬天 凍冰冰梗係要同朋友衝上黎嘆下正野啦🤩同平時一樣，店主好有耐性主動介紹當日時令海鮮同邊種牛肉好食，今次經佢介紹仲難得食到平時少見既蝴蝶蚌，同有大大隻既桶蠔同蟶子。不得不提，呢度處理食材一直超用心，尤其係海鮮全部洗得好乾淨，乾淨嘅程度同屋企平時食個啲係可以相提並論，絶對唔洗擔心。手切肥牛同手打芝心蝦丸水凖依舊，係必食之選！唔少得招牌即炸響鈴，同行朋友都大讚❤️