Four O Five Coffee & Eatery

營業中

休息中

呢間餐廳喺觀塘成業工業大廈入邊，環境都寬敞，坐得幾舒服。佢有個二人dinner set，但係我哋想試多啲嘢所以就散叫。岩鹽燒牛舌芯$78 面上同埋底都有啲蔬菜，可以撈埋一齊食，減少油膩，幾鍾意佢個牛舌芯，切到薄薄地一片，個醬汁係BBQ燒汁味😌 蒜香白酒蜆肉意粉 $128 大量蜆肉，白汁充滿成個意粉，有少量酒香。塔斯曼尼亞海膽虎蝦帶子意粉 $188呢個相對上較出色，個醬汁非常濃郁，充滿海膽味好Creamy，而且帶子好大粒，煮得剛剛好！ 推薦～ 蜂蜜檸檬梳打 $42 個味道好清新，啱啱食完個海膽意粉，配呢個就最啱！一番焙茶鮮奶 $56要撈勻底嘅奶同埋面上嘅焙茶，叫咗少甜少冰～ 伯爵茶珍珠疏乎厘班戟 $118 佢嗰份量，一上枱有啲嚇親，手掌心咁大嘅疏乎厘，同埋佈滿晒全部珍珠，茶味濃郁。