影片
更多
2019-11-04
110 瀏覽
觀塘工業區終於有啖好食 雞煲粥底火鍋一次試曬💕身為觀塘工業區嘅文員仔，每日最煩惱嘅就梗係今晚食乜好。前幾日放工同同事去搭車經過成業街嗰陣見到有間粥底海鮮火鍋店，咁啱好想食啲重口味雞煲就拖住朋友入去試試佢。入面嘅裝修好本土，牆身貼咗香港街景圖，仲有啲本地用詞，好有香港味。無論係雞煲抑或海鮮火鍋都係喺二百至四百幾個range入面，同旺中啲放題舖價錢相約。我地叫咗一個招牌雞煲同一個龍蝦煲，期待咗好耐嘅招牌雞煲大概等咗五分鐘左右就上菜，一上枱我同同事不約而同咁「哇」咗一聲，因為都未開爐就已經好大陣香料味，八角、芫荽、桂皮、草果同香葉嘅香味超重，淨係聞到都流晒口水🤤。夾起一睇雞件每件都算大舊，睇落顏色件件都近啡黃色，感覺上啲香料醬汁都好似醃得好入味，除咗雞件外仲有大量洋蔥片同薑片，洋蔥片同薑片浸咗一陣都明顯淋曬搜索晒啲汁，好惹味咁😆。嗰日我同同事叫咗小辣，估唔到辣味都幾足，唔食得辣嘅我地邊食邊飲可樂解辣，微辣中又帶香，超級過癮。雞件肉質滑嫩細緻，皮滑肉軟，有彈性但又唔會粗糙，重點係啲米酒超級入味，啖啖醬香配合埋啲米酒散發嘅香，真係食極都覺得唔夠。除咗啲雞件外薑片比我同同事K.O.，薑片浸到無曬辣
身為觀塘工業區嘅文員仔，每日最煩惱嘅就梗係今晚食乜好。前幾日放工同同事去搭車經過成業街嗰陣見到有間粥底海鮮火鍋店，咁啱好想食啲重口味雞煲就拖住朋友入去試試佢。
入面嘅裝修好本土，牆身貼咗香港街景圖，仲有啲本地用詞，好有香港味。無論係雞煲抑或海鮮火鍋都係喺二百至四百幾個range入面，同旺中啲放題舖價錢相約。
我地叫咗一個招牌雞煲同一個龍蝦煲，期待咗好耐嘅招牌雞煲大概等咗五分鐘左右就上菜，一上枱我同同事不約而同咁「哇」咗一聲，因為都未開爐就已經好大陣香料味，八角、芫荽、桂皮、草果同香葉嘅香味超重，淨係聞到都流晒口水🤤。
夾起一睇雞件每件都算大舊，睇落顏色件件都近啡黃色，感覺上啲香料醬汁都好似醃得好入味，除咗雞件外仲有大量洋蔥片同薑片，洋蔥片同薑片浸咗一陣都明顯淋曬搜索晒啲汁，好惹味咁😆。
嗰日我同同事叫咗小辣，估唔到辣味都幾足，唔食得辣嘅我地邊食邊飲可樂解辣，微辣中又帶香，超級過癮。雞件肉質滑嫩細緻，皮滑肉軟，有彈性但又唔會粗糙，重點係啲米酒超級入味，啖啖醬香配合埋啲米酒散發嘅香，真係食極都覺得唔夠。
除咗啲雞件外薑片比我同同事K.O.，薑片浸到無曬辣味，反而帶醬汁嘅咸香，唔會嗆喉，味道溫和，鋪頭都好細心咁將薑片切到細細片，方便大家食時無咁刺激。
食完雞煲就可以叫店員幫手換爐，同事叫嘅龍蝦煲都好吸引，同雞煲截然不同嘅係海鮮唔需要用大量嘅醃料香葉調味，好講究佢本身新鮮與否，嗰日試咗同事隻扇貝同鮑魚，好驚喜地兩樣海鮮都好新鮮，尤其係扇貝超級爽口同彈牙，仲有陣海鮮甜味，呢個價錢黎講真係好抵。
食完個鍋就可以請店員幫手整粥，佢會拎住菜鋪、芫荽同蔥花放入去啲粥到滾，個粥好重鮮甜味，一粒鹽都唔洗加已經好有咸香味，粥底香醇同濃稠，食完油膩嘅雞煲飲返碗海鮮粥清清個胃就啱啱好。
十級推薦鐘意食火鍋同雞煲嘅大食仔大食妹黎一戰。
張貼
