三小漁

營業中

休息中

喺觀塘返工嘅友人約食飯，今日佢帶路嚟咗電訊廣場試下新嘢。蒜泥白肉 - 豬肉肥瘦適中口感彈牙，配上蒜泥汁更惹味。竹炭黑磚豆腐 - 外層一咬即碎好香脆，中間豆腐好滑。咕嚕肉 - 口感結實味道酸中帶甜好開胃，菠蘿夠新鮮好甜唔會過酸，士多啤梨雕埋花好有特色。指天翅 - 魚肉蒸好滑唔嚡，魚味濃好鮮甜。底下嘅粉絲爽口彈牙，仲吸咗魚嘅鮮味好好食。法式焦糖燉蛋 - 表層嘅桃膠煙韌有口感，中層有炸燶咗嘅焦糖好香甜，最底嘅燉蛋好滑蛋味好濃。桃膠燉手工菊花豆腐 - 豆腐雕成花型雕得好靚，糖水有淡淡嘅菊花清香，入口味道唔會太甜比較養生。