影片
更多
2024-04-21
1879 瀏覽
入到嚟嘅時候就見到枱面有支駱駝牌歡迎我，餐廳感覺好復古，侍應哥哥都好好心特登走埋嚟同我哋推薦是日special，仲有餐廳最多人食嘅係啲咩，啱晒一啲有選擇困難嘅朋友仔。呢到位置都好方便，喺APM行幾步就到。‣ Piggy Carbonara $125好鍾意佢嘅Carbonara，佢講到明係冇用cream，全部都係用蛋。佢哋嘅煙肉都爆得好香，食落夠晒香口濃郁。果然侍應哥哥係冇推薦錯，值得一試。‣ Special Pizza $178兩個人share食其實都真係幾大份，我哋嗌甜品之前侍應姐姐都有同我哋講話諗清楚係咪真係要咁樣嗌，因為都好大份，最後其實我哋都係要打包少少返去。pizza係脆薄邊，食落去都有好香濃嘅芝士味，水牛芝士真係香到不得了。雖然呢個pizza未必啱食肉獸，但配蕃茄清清地其實都幾解膩。‣ Classic French Toast $95本身想像中諗住同平時食開嘅西多士差唔多，點知佢個口感真係相當之紮實。如果鍾意食疏乎厘嘅，可能未必咁鍾意咁紮實嘅口感，但係因為近期都冇食過呢種口感，對我嚟講都幾新鮮。充滿住濃郁蛋味，雖然有啲誇張，但係真係諗起玉子燒。幾得意但飽嘅程度真係Max。#
‣ Piggy Carbonara $125
好鍾意佢嘅Carbonara，佢講到明係冇用cream，全部都係用蛋。佢哋嘅煙肉都爆得好香，食落夠晒香口濃郁。果然侍應哥哥係冇推薦錯，值得一試。
‣ Special Pizza $178
兩個人share食其實都真係幾大份，我哋嗌甜品之前侍應姐姐都有同我哋講話諗清楚係咪真係要咁樣嗌，因為都好大份，最後其實我哋都係要打包少少返去。pizza係脆薄邊，食落去都有好香濃嘅芝士味，水牛芝士真係香到不得了。雖然呢個pizza未必啱食肉獸，但配蕃茄清清地其實都幾解膩。
‣ Classic French Toast $95
本身想像中諗住同平時食開嘅西多士差唔多，點知佢個口感真係相當之紮實。如果鍾意食疏乎厘嘅，可能未必咁鍾意咁紮實嘅口感，但係因為近期都冇食過呢種口感，對我嚟講都幾新鮮。充滿住濃郁蛋味，雖然有啲誇張，但係真係諗起玉子燒。幾得意但飽嘅程度真係Max。
#foodbara_diary
張貼
