壹.01

營業中

休息中

比較少黎觀塘呢邊，每次黎觀塘都唔知食咩，今次係跟咗觀塘地膽朋友搵食，佢強烈建議呢間台式風味小店「壹.01」，餐廳位於觀塘中海日昇中心，店內環境明亮餐廳簡約而舒適。脆炸鮮奶卷和古早芋泥二文治好正！脆炸鮮奶卷外脆內滑，奶香濃郁，古早芋泥二文治嘅芋泥甜而不膩，咬落口感好綿密。薑蔥排骨飯，可以要求多蔥，排骨外酥內嫩，搭配香蔥提升風味。底下有蔥油撈飯，非常滋味。台北夜市小食拼盤包含台灣腸、花枝丸和鹽酥雞，豐富抵食，尤其鐘意花枝丸，入口彈牙。蜜汁紫菜排骨飯（多蔥）紫菜系一個亮點，同飯好夾，排骨大塊入味，配合香蔥紫菜，口感豐富。爆珠馬蹄椰子水，椰子味突出，爆珠增添口感，清爽可口。