Be Leaf (已結業)

朋友近來轉到觀塘返工，所以間中都會過觀塘等佢收工一齊食飯，觀塘除咗出名塞車其實有好多飲飲食食好地方，今日就嚟到呢間波希米亞風格西餐廳，餐廳有多個靚靚打卡位，亦有室外座位適合唔同人須要，以木枱及木藤椅為主，感覺舒服。 燒椒醬風味炭烤牛舌牛舌烤到好軟熟，燒椒醬有一定辣度，食落辣得嚟好香。香茅蒜香泰式炸雞翼香茅同蒜香好夾，雞翼炸得好香脆，點泰式酸甜汁更惹味。香濃蟹膏雙色意大利麵配手拆松葉蟹肉刺身級帶子意大利粉由黑白兩色混合，松葉蟹肉份量足好鮮蟹味，帶子質素高鮮甜嫩滑。飲品有陳皮洛神花茶，好香陳皮味道，洛神花微微酸味非常消滯。Ocean Paradise Soda小甜清新，顏色醒神。Be Leaf 環境優雅舒適，食物用心烹調美味，係休閒打卡用餐嘅好地方。