影片
更多
2021-11-05
748 瀏覽
觀塘嘅嘢食我已經食得7788，因為係依頭返工，每星期都會搵一、兩間餐廳先。呢排喺IG見過唔少次呢間餐廳，因為係新開所以未試，都有見到朋友係story去咗食pancake，身為觀塘嘅地膽當然要一睹為快。Be leaf係一間喺觀塘新開嘅cafe，係長沙灣人氣cafe Boholic 既姊妹店，同長沙灣一樣，餐廳非常適合打卡，以波希米亞風為主。食物方面，Be leaf主打一系列西餐主食同甜品菜，而且係一間寵物友善餐廳，可以帶狗仔坐喺室外嘅位置。餐廳係觀塘嘅工廠區，皇庭廣場附近，所以算係遠離最繁忙嘅開源道，對出係馬路同巴士站，之前有去過附近飲茶，原來喺華嫂隔離，未轉彎已經見到，因為門面非常顯眼。餐廳面積幾大，以半開放式設計，分別有室外同室內座位選擇。裝修同長沙灣一樣貫徹東南亞糅合波希米亞風，門口有大型花拱門，令人心花怒放，要行去呢個門口之前，沿路有石春路，設計非常用心，充滿異國風情，好似去咗峇里島咁，有去旅行嘅感覺。座位都好令人吸睛，喺入口嘅右手邊兩張藤椅既廂坐四人位，加上藤製傢俬同燈飾，左邊都有三張可以同陽光揮手既座位，室外嘅座位都可以比毛孩坐。去到嗰時已經見到有人帶左三隻狗坐咗係藤椅位，走
Be leaf係一間喺觀塘新開嘅cafe，係長沙灣人氣cafe Boholic 既姊妹店，同長沙灣一樣，餐廳非常適合打卡，以波希米亞風為主。
食物方面，Be leaf主打一系列西餐主食同甜品菜，而且係一間寵物友善餐廳，可以帶狗仔坐喺室外嘅位置。
餐廳係觀塘嘅工廠區，皇庭廣場附近，所以算係遠離最繁忙嘅開源道，對出係馬路同巴士站，之前有去過附近飲茶，原來喺華嫂隔離，未轉彎已經見到，因為門面非常顯眼。
餐廳面積幾大，以半開放式設計，分別有室外同室內座位選擇。裝修同長沙灣一樣貫徹東南亞糅合波希米亞風，門口有大型花拱門，令人心花怒放，要行去呢個門口之前，沿路有石春路，設計非常用心，充滿異國風情，好似去咗峇里島咁，有去旅行嘅感覺。
座位都好令人吸睛，喺入口嘅右手邊兩張藤椅既廂坐四人位，加上藤製傢俬同燈飾，左邊都有三張可以同陽光揮手既座位，室外嘅座位都可以比毛孩坐。去到嗰時已經見到有人帶左三隻狗坐咗係藤椅位，走嗰時四點仲誇張，見到有條隊個個都帶左狗仔，目測起碼有10隻狗。入到去仲會見到大家喺峇里島見到既鳥巢吊椅，如果去過峇厘島嘅大家一定喚起好多回憶，門口都有唔少植物做點綴，充滿大自然嘅感覺。餐廳夜晚可以預約，不過日頭就只可以walkin。
入到去餐廳嘅座位都幾多，夠闊落坐得舒服，店內仲會有乾花吊飾，設計同室外一致。
呢度係用手機QR code落單，如果係星期六日就係Brunch Menu，除咗all day breakfast，仲有好似薄餅、酸種包、bagel、意粉等嘢食。另外仲有甜品同飲品嘅Menu。
-
1️⃣ 法式焦糖卡士達梳乎厘斑戟 💰128（👅: 7.5/10）
法式焦糖卡士達梳乎厘斑戟
$128
15 瀏覽
1 讚好
0 留言
斑戟咬落去外層係鬆軟，有少少空氣感，入邊質感就比較實在啲，會好似咬蛋糕咁，因為外層會比較濕潤，整體未到好似幸福班戟咁有空氣感。
斑戟食落有少少蛋香味，不過同時間會有少少油溢味。而上面嘅卡士達醬入口算滑，食落唔會太甜，不過份量我覺得可以再多啲，食到最後有少少唔夠醬。上邊嘅焦糖薄脆，令到口感更加豐富，不過略嫌有啲過窿，食落有啲燒焦既苦味。味道上未算有驚喜，可能醬再多啲味道再重口味啲會更好。
-
2️⃣ 糯夫 💰88（👅: 7.5/10）
糯夫
$88
33 瀏覽
1 讚好
0 留言
窩夫有四大塊，份量都唔少，因為加左糯米，所以口感偏軟糯，入邊係比較紮實，比較有嚼勁，同平時食好脆既窩夫唔同。
味道上窩夫係冇咩味道，係要靠同芒果或者椰子雪糕一齊食，芒果可能唔係時令，所以未算非常之甜，但都唔會酸，而椰子雪糕甜度足夠，但要一啖入邊食到芒果、椰子同窩夫有難道，最多都係將芒果或者窩夫浸落椰子雪糕到，配搭上係幾新奇，不過如果直接將椰漿淋落窩夫上可能更好。
-
3️⃣ 蘋果金寶火炙焦糖蛋卷 💰72（👅: 8/10）
蘋果金寶火炙焦糖蛋卷
$72
14 瀏覽
1 讚好
0 留言
雖然影相關係所以雪糕有啲融，不過冇影響到甜品嘅味道，蛋卷本身食落好似普通蛋糕咁，但食食下就發現入邊收埋咗好多蘋果肉，每食一啖好似尋寶咁，蛋卷味道本身唔錯不過有味道突出嘅蘋果金寶，再加上冰凍嘅雪糕。雪糕上面同埋蛋捲出邊嘅嘅焦糖醬令到佢味道更加豐富，雖然份量唔算多，不過對比其他甜品嘅價錢。呢個性價比算唔錯。
-
4️⃣ 香黑椒豬手蒜香意大利麵 💰138（👅: 7.5/10）
香黑椒豬手蒜香意大利麵
$138
27 瀏覽
1 讚好
0 留言
-
5️⃣ Papaya Mango Smoothie 💰52（👅: 7.5/10）
Papaya Mango Smoothie
$52
18 瀏覽
1 讚好
0 留言
Smoothie入口質地唔算太濃稠，但又唔似冰沙，飲落去木瓜味比較飲到，芒果味有啲俾佢蓋過，飲落去係清新，唔會太甜，但整體生果味未算突出，唔知係咪加咗乳酪，但乳酪又唔算好出。
-
6️⃣ Strawberry Avocado Smoothie 💰52（👅: 7.5/10）
呢一杯係士多啤梨牛油果嘅Smoothie，睇落好似士多啤梨奶昔咁。
入口一樣唔算好濃稠，會飲到士多啤梨味但牛油果味唔算太出，但士多啤梨味又唔算好甜，又唔算好酸，如果味道再重啲會更好。
-
🌟食物來講，呢度嘅甜品會比主菜更吸引，咁多款甜品入邊最鍾意蘋果金寶，較有驚喜，我有喺boholic食過佢嘅招牌梳乎厘斑戟，因為佢係半熟質地，而且份量超大份，味道上比起呢度嘅斑戟更加有驚喜。
比起食物，我覺得依度嘅環境更加吸引，如果好鍾意影相記得日頭早啲嚟，因為室外嘅門口位置有限，如果你係有養狗就更加適合，因為有好多主人都有帶狗過嚟呢度，分分鐘可以幫狗仔識到新朋友。
-
👅味道: 8/10
🍴環境: 8/10
💰消費: $150-250pp (服務費: 10%)
張貼
