日作食堂

營業中

休息中

星期六下午同朋友去左觀塘新春夜市, 買左幾款小食, 因為天氣好凍, 我哋夜晚去左一間日式餐廳食火鍋。餐廳佈置日系風格, 座位好闊落。我哋叫左一個兩人前火鍋套餐, 非常豐富, 茶碗蒸好香滑, 串燒雞拼盤有雞心, 雞肝, 雞脾肉，雞軟骨等, 其中雞心燒得好爽口。我哋叫左味增龍蝦湯底, 十分鮮甜, 蔬菜亦好新鮮, 有幾款菇類, 吸收晒湯底味道。肉類拼盤有A5和牛牛小排, 肉味香濃, 配合蘭王蛋食, 非常美味。甜品揀左焦糖布甸, 十分香滑。最後兩個人食得好滿足離開。