Dodam Chicken (1亞太中心) (已結業)

疫情好似好咗好多，都開始約返曬啲朋友出嚟食飯，今日去咗觀塘亞太中心，食韓國野，叫dadom chicken, 地方好靚, 而且播住韓國mv, 好有韓國嘅氣氛！我地嗌左幾度菜，咗個鹹蛋脆雞， 韓式炒牛肉粗粉絲， 泰式海鮮煎餅，樣樣都好出色！先係鹹蛋脆雞，分量超級多，我哋幾個人食都食唔曬，因為我地女仔食一嚿已經都有啲膩啦，而且每人都食咗畀舊，真係飽，所以真係幾個朋友一齊食就比較好啦。之後韓式海鮮煎餅我覺得係最好食嘅， 因為煎得好香脆，熱辣辣，應該係即叫即整嘅， 海鮮份量都好多，有青口，魷魚，蝦等等 ，大大碟上碟， 點埋辣醬，真係好惹味， 好好食呀！韓式炒粉絲我覺得不可不得，反而朋友就覺得最好食，佢比較喜歡粗粉絲，都好好食嘅！而且份量都係好多，好抵食。