1988 (已結業)

一話去食泰國野，好多時都只會諗起九龍城！今日竟然喺觀塘工廈發現到正野—1988餐廳光線充足，枱與枱之間都唔會太逼！餐枱仲要係雲石添估唔到食泰國野都咁有文青feel!餐牌食物種類都好豐富，我地揀左生蝦、木瓜沙律、串燒雞+豬、蝦餅、西柚梳打同埋香葉肉碎飯！先嚟柚子梳打，一嚟到真係嘩一聲！味道唔會太甜，梳打水加四分一個西柚，超fresh！之後就係我最中意嘅生蝦啦！每隻生蝦面都配有小蒜頭同辣椒，加埋餐廳自家制醬汁，酸酸甜甜，好食！至於木瓜沙律呢，份量都幾多，木瓜絲配合生菜、蕃茄、花生粒等，好好吃哦！串燒方面，原本我只係揀左雞串，但侍應表示可以雙併咁嗌，所以就試哂雞串同豬串！串燒本身食落充滿蜜糖味道，甜甜的，放喺碟旁嘅係沙嗲醬，我本身麻麻地沙嗲，所以呢就冇點到～蝦餅食落非常彈牙，上枱熱辣辣，外層脆卜卜！最後嘅香葉肉碎飯，建議先均勻搞拌，感覺有d似生菜包，以為咁多辣椒一定好辣，點知又ok wo，食埋呢個主食，就完滿結束啦！