影片
更多
2024-10-04
385 瀏覽
雖然餐廳都幾多客，但係坐都坐得幾舒服，裝修感覺都係好溫馨舒適，就算自己一個人食都唔會覺得好尷尬。睇完Menu之後就覺得好多選擇，好多小菜都好想試，最後加加吓就加咗好多嘢，但係每一樣嘢令我都幾滿意，食完就係覺得好舒服。‣ 法式龍蝦濃湯 ＋$10湯底味道濃郁，但係唔會太鹹，而且都幾多小龍蝦肉喺入邊，而淡忌廉都令個湯品口感更加順滑，我對龍蝦湯真係冇抵抗力，特別鍾意嗰浸龍蝦味同埋鹹香。‣ 玉子鰻魚丼飯 $79鰻魚燒得皮酥肉嫩，完全唔覺得腥，而且無骨，蒲燒醬嘅份量都恰到好處，唔會因為太過多而令到成兜飯太甜又或者太鹹。而玉子嘅蛋香同埋甜味令到丼飯多種份柔和嘅口感，呢個價錢係講我覺得都幾合理，而且份量都唔算細，食到我勁飽。‣ 香印青提特飲 ＋$20餐廳嘅調味都偏向比較自然同埋清新，特飲都唔例外，但係正正因為佢唔算好甜，所以成餐飯配合起嚟先覺得好舒服。青提再加梳打不嬲都係一個冇得輸嘅組合，酸酸甜甜先開到胃繼續食嘢。‣ 和風雞肉燴厚揚豆腐 ＋$15食豆腐嘅時候就更加覺得好有日式家庭風味，口感好溫潤，雖則係厚揚豆腐，外皮略微帶脆，但係食落去嘅時候都好輕盈，我都好鍾意佢嘅和風雞肉，淡淡嘅日式醬油香食落去真係
‣ 法式龍蝦濃湯 ＋$10
湯底味道濃郁，但係唔會太鹹，而且都幾多小龍蝦肉喺入邊，而淡忌廉都令個湯品口感更加順滑，我對龍蝦湯真係冇抵抗力，特別鍾意嗰浸龍蝦味同埋鹹香。
‣ 玉子鰻魚丼飯 $79
鰻魚燒得皮酥肉嫩，完全唔覺得腥，而且無骨，蒲燒醬嘅份量都恰到好處，唔會因為太過多而令到成兜飯太甜又或者太鹹。而玉子嘅蛋香同埋甜味令到丼飯多種份柔和嘅口感，呢個價錢係講我覺得都幾合理，而且份量都唔算細，食到我勁飽。
‣ 香印青提特飲 ＋$20
餐廳嘅調味都偏向比較自然同埋清新，特飲都唔例外，但係正正因為佢唔算好甜，所以成餐飯配合起嚟先覺得好舒服。青提再加梳打不嬲都係一個冇得輸嘅組合，酸酸甜甜先開到胃繼續食嘢。
‣ 和風雞肉燴厚揚豆腐 ＋$15
食豆腐嘅時候就更加覺得好有日式家庭風味，口感好溫潤，雖則係厚揚豆腐，外皮略微帶脆，但係食落去嘅時候都好輕盈，我都好鍾意佢嘅和風雞肉，淡淡嘅日式醬油香食落去真係覺得好舒服。
‣ 一汁一菜拉提拉米蘇 ＋$30
‼️極度推薦‼️呢個價錢嚟講，我覺得個驚喜幾大，忌廉香味十足，口感亦都好輕盈，咖啡嘅苦澀再加埋忌廉嘅濃郁真係冇得輸，而我覺得兩者平衡得好好，唔會話太過苦又唔會話太過甜，一啲都唔膩口，成件事真係好有日式風味。
張貼
