影片
更多
2024-06-13
22 瀏覽
週末小朋友同爸爸們去咗茶果嶺公園，靚媽們可以去high tea😎揀咗附近呢一間超有渡假風情嘅靚Cafe，之前Bookmark咗一直好想試終於有機會啦. 餐廳有戶內戶外半露天座位，佈置好啱打卡. 門口有個大花花拱門好靚. 室內用上乾花束木系家具竹藤梳化等裝飾，加埋有個被粉紅色花海圍住嘅鳥籠吊椅俾食客影相，真係心心眼. ⭐️自家製焦糖餅咖啡焦糖餅就咁食又得好香甜脆口，等佢慢慢融入咖啡之中又得，味道更有層次. 咖啡香濃. 焦糖控大愛. ⭐️西柚夏日梳打葡萄柚味好香濃清新解渴，絕對係夏日首選. 混合蝶豆花，顏色夠夢幻鮮艷. ⭐️水牛芝士巴馬火腿無花果沙律無花果好香甜，水牛芝士口感滑溜，巴馬火腿鹹香度剛好，配上清新沙律菜，有特色又有營養. 醬汁有橄欖油、香草同意大利醋，食落好輕盈. ⭐️香煎牛小排紅咖喱意大利飯呢個fusion菜式好有驚喜. 用咖喱做主調嘅意大利飯辣辣地真係第一次食, 加埋菠蘿、蕃茄、青豆等配料味道酸酸甜甜好開胃，仲有芝士片，非常豐富. 牛小排半生熟肉質夠厚香口得來肉質保持嫩滑，簡單煎香原汁原味. 飯粒有嚼勁粒粒分明. ⭐️法式焦糖卡士達疏乎厘班戟即叫即焗上枱好Q彈震震吓. 疊起咗三層造型
週末小朋友同爸爸們去咗茶果嶺公園，靚媽們可以去high tea😎揀咗附近呢一間超有渡假風情嘅靚Cafe，之前Bookmark咗一直好想試終於有機會啦.
餐廳有戶內戶外半露天座位，佈置好啱打卡. 門口有個大花花拱門好靚. 室內用上乾花束木系家具竹藤梳化等裝飾，加埋有個被粉紅色花海圍住嘅鳥籠吊椅俾食客影相，真係心心眼.
⭐️自家製焦糖餅咖啡
焦糖餅就咁食又得好香甜脆口，等佢慢慢融入咖啡之中又得，味道更有層次. 咖啡香濃. 焦糖控大愛.
⭐️西柚夏日梳打
葡萄柚味好香濃清新解渴，絕對係夏日首選. 混合蝶豆花，顏色夠夢幻鮮艷.
⭐️水牛芝士巴馬火腿無花果沙律
無花果好香甜，水牛芝士口感滑溜，巴馬火腿鹹香度剛好，配上清新沙律菜，有特色又有營養. 醬汁有橄欖油、香草同意大利醋，食落好輕盈.
⭐️香煎牛小排紅咖喱意大利飯
呢個fusion菜式好有驚喜. 用咖喱做主調嘅意大利飯辣辣地真係第一次食, 加埋菠蘿、蕃茄、青豆等配料味道酸酸甜甜好開胃，仲有芝士片，非常豐富. 牛小排半生熟肉質夠厚香口得來肉質保持嫩滑，簡單煎香原汁原味. 飯粒有嚼勁粒粒分明.
⭐️法式焦糖卡士達疏乎厘班戟
即叫即焗上枱好Q彈震震吓. 疊起咗三層造型更吸眼球. 面頭淋上吉士奶蓋同埋焦糖，表面在火炙至焦黃，疏乎厘口感棉密鬆軟散發滿蛋香，同平時疏乎厘班戟有啲唔同佢唔主打空氣感，但係都好鬆軟. 整體甜而不膩.
呢度有外表有內涵，好食又好睇，仲歡迎毛孩，難怪開業幾年依然高踞區內受歡迎餐廳之列啦. 食物飲品多選擇，真係去多幾次都唔怕悶.
0 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
張貼
