哈豆

營業中

休息中

我去左成業工業大廈既哈豆，並冇留低任何深刻印象，不過原來觀塘有兩間哈豆，我同女友今日去左富利工業大廈既哈利。上一次哈豆給我一種樸素既感覺，食物不錯但裝潢一般，無乜眼前一亮既地方。但今日一入去餐廳就被牆上既油畫所吸引。客人可以透過「窗戶」欣賞台灣不同旅遊景點，包括我最愛嘅墾丁。另外富利大廈既哈豆地方更大，坐得更加舒服。餐牌既設計非常生動有趣，食物畫得栩栩如生，最後一頁係六條關於老闆或者哈豆嘅問題，大家可以一邊閱讀，一邊等待食物既來臨。- 路邊攤小香腸外皮香脆，更上炸蒜粒可謂脆上加脆，而且Juicy到爆汁💦。- 蜜糖椒鹽雞翼雞翼外皮超香脆，蜜糖令味道更香甜，不過食唔到任何椒鹽味。- 豐盛台灣牛肉湯麵湯底雖甜但稱不上濃郁，不過食材非常豐富，除咗牛展仲有魚蛋、貢丸、墨魚丸同滷水蛋。麵條亦彈牙。- 台式麻油雞湯套餐麻油雞湯甜甜地，雞件相當多，肉質比較有嚼勁，套餐仲有肉鬆滷肉飯同一碟油菜，肉鬆同滷肉既配搭不錯，食落比較不膩。油菜浸落麻油雞湯亦係一番滋味。- 哈豆鮮果茶首先值得一讚既係完全冇冰，就算過咗好耐，味道唔會變淡。第二係水果種類幾多，水果亦切得非常細粒，茶同水果更好地融合。口渴時倒上一小杯，