影片
更多
2024-05-20
52 瀏覽
Plato Cafe & Bistro今次介紹呢間「Plato Cafe & Bistro」算係高級cafe，啱啱喺觀塘裕民坊YM² 3樓新開無幾耐，入面都算大，門口仲有一張座位比人坐，果日比較熱，所以揀咗入去餐廳入面坐，坐喺靚靚壁畫隔離嘅座位，店員比我任揀座位，哈哈！1.澳洲肉眼牛扒配紅酒燒汁（5成熟）配飯+是日餐湯+意大利即磨咖啡（熱）$138+加配朱古力心太軟配雪糕$48（9.5/10）呢個澳洲肉眼牛扒叫咗五成熟，塊肉眼扒好大塊，切落去唔會係血水，食落去好有牛味同肉質唔韌好嫩滑，旁邊仲有紅酒燒汁，點落去食更加好味，淨返紅酒燒汁倒落飯一齊食都唔錯！是日餐湯：係翠玉瓜湯，翠玉瓜飲落好青甜，唔會好稀，算濃稠！意大利即磨咖啡：帶少少酸，倒埋奶落去就無咁酸！朱古力心太軟配雪糕：個朱古力流心比較甜，蛋糕外皮比較薄身，再加一球雲呢拿雪糕！2.牛油果芝士牛肉漢堡配薯條及沙律+英式奶茶（熱）$118+加配日式芝士餅$28（9.5/10）呢個牛油果芝士牛肉漢堡入面牛肉完全唔鞋，肉質好厚實，漢堡個包質地好鬆軟，入面仲有牛油果、蕃茄、芝士、生菜等，好好味！薯條係幼長，係即叫即炸，好脆身！沙律有沙律菜、青
今次介紹呢間「Plato Cafe & Bistro」算係高級cafe，啱啱喺觀塘裕民坊YM² 3樓新開無幾耐，入面都算大，門口仲有一張座位比人坐，果日比較熱，所以揀咗入去餐廳入面坐，坐喺靚靚壁畫隔離嘅座位，店員比我任揀座位，哈哈！
1.澳洲肉眼牛扒配紅酒燒汁（5成熟）配飯+是日餐湯+意大利即磨咖啡（熱）$138+加配朱古力心太軟配雪糕$48（9.5/10）
呢個澳洲肉眼牛扒叫咗五成熟，塊肉眼扒好大塊，切落去唔會係血水，食落去好有牛味同肉質唔韌好嫩滑，旁邊仲有紅酒燒汁，點落去食更加好味，淨返紅酒燒汁倒落飯一齊食都唔錯！
是日餐湯：係翠玉瓜湯，翠玉瓜飲落好青甜，唔會好稀，算濃稠！
意大利即磨咖啡：帶少少酸，倒埋奶落去就無咁酸！
朱古力心太軟配雪糕：個朱古力流心比較甜，蛋糕外皮比較薄身，再加一球雲呢拿雪糕！
2.牛油果芝士牛肉漢堡配薯條及沙律+英式奶茶（熱）$118+加配日式芝士餅$28（9.5/10）
呢個牛油果芝士牛肉漢堡入面牛肉完全唔鞋，肉質好厚實，漢堡個包質地好鬆軟，入面仲有牛油果、蕃茄、芝士、生菜等，好好味！
薯條係幼長，係即叫即炸，好脆身！
沙律有沙律菜、青瓜、蕃茄仔等，加埋意大利黑醋汁撈埋一齊食，酸酸甜甜好開胃！
英式奶茶：茶味唔算好出，好似淨係飲緊淡味嘅奶！
日式芝士餅：芝士味又濃郁又滑，餅唔會好實，好食！
2人總共價錢$365，有加一服務費！
個人口味總評分：9.5/10
@platocafebistro
地址：觀塘協和街33號裕民坊YM² 3樓309號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#PlatoCafeBistro #cafe #觀塘 #觀塘好去處 #觀塘美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
