普羅旺斯餐廳 (已結業)

觀塘有間法國菜有好多人試過，雖然同區來講價錢唔算平，而且餐廳要預先約先有得食，紅日又唔開，不過今次好好彩可以嚟到試下！餐廳職員好主動同我哋傾偈，講到明食法國菜呢度嘅環境唔算靚，但係食物絕對可以保證高質！法式凱撒沙律配巴馬火腿作為refreshing嘅頭盤，食咗呢個好開胃，麵包糠夠脆，parma ham薄切大塊唔會過鹹。法式橄欖油黑松露野菌野雞仔鮮香草野米飯來自法國嘅野雞仔皮薄肉嫰，超juicy！一開頭見到野米飯旁嘅黑松露同橄欖油，感覺好似好肥膩，但原來撈埋一齊食1d都唔油膩，反而仲好香添！口感幾豐富，食落野米飯偏酸，個人幾中意！蕃茄湯配法式蒜蓉包呢度嘅蕃茄湯同出面唔同，用咗三種唔同嘅蕃茄熬製出咁濃郁嘅湯底。飲落第一啖覺得偏酸，但飲下飲下又覺得酸得來帶甜，另外再加上啲燒過嘅帶子粒，令到成碗湯嘅層次更豐富，大推！蒜蓉包外脆內軟，好香！冰鎮荔枝蕃茄幾有特色嘅一道refreshing菜，蕃茄配上荔枝汁同薄荷葉，可以清清口腔！法式香橙燒釀鴨胸配香橙冧酒汁煎得好香又脆身，鴨胸油殘留喺口腔當中，配埋香橙冧酒可以減輕當中嘅油膩感。檸檬茶絕對唔係普通貨色架，係手搖檸檬茶配上天然嘅檸檬油。