彩晶軒 (已結業)

過左觀塘做野一個月，發現都唔少好野食，APM已經有齊和花亭，板長，元氣，APM隔離又有棟大廈成棟都係酒家，相當方便。今次幫襯好彩間新分店，裝橫都幾靚，仲有些幾特別的擺設。食物的水準都不錯，有幾款都可以推介：十三摺水晶鮮蝦餃：蝦餃蝦肉好爽口好鮮味，餃子皮都好晶盈，侍應話叫十三摺水晶鮮蝦餃原來話係個餃子摺十三摺，其實摺幾多摺都無所謂，最緊要好食。南澳洲帶子芙蓉餃：帶子係我最愛，這個帶子芙蓉餃係我最鐘意的點心，其他地方無食過，可能是自創的，帶子十分軟，可能是蒸了很欠，跟平時吃的口感很不同，但味道相當鮮甜，而餃內的，好像是蛋白，吃不出是什麼來的。懷舊馬拉糕：馬拉糕，很平凡的點心，最緊要鬆軟同夠熱，這個馬拉糕做齊了。安格斯牛肉腸：老實說，吃不出什麼是安格斯牛肉，不過腸粉夠滑，牛肉有肉味，而且不韌就已經算不錯。常呂瑤柱嫩摘豆苗餃：又是第一次碰的點心，豆苗做餃都幾得意，基於喜歡吃豆苗的關係，覺得好吃。呢間彩晶軒的菜單真係夠得意，種種點心個名都六七個字，不過什麼都不重要，最重要是味道。