響 居酒屋 (已搬遷) 新店位置

-🔸枝豆 $38🔸串燒 $16起🔸壽司 $18起🔸鰻魚炒飯 $98🔸炸雞軟骨粒 $58🔸醬油炒雜菜 $58🔸廚師推介刺身拼盤 $258-開始放長假期當然要賀一賀佢，收工同男朋喺觀塘食日式料理，嚟依間響居酒屋，平時lunch就食得多，今次係第一次食dinner。先叫咗份刺身拼盤五點二切，有清甜爽口嘅大粒帶子、油脂豐富嘅火炙呑拿魚、第一次試嘅吞拿魚山掛（即係有山藥蓉喺上面）、深海池魚好新鮮，仲有油甘魚好有魚油香味。見刺身咁新鮮就再叫多幾款壽司，油甘魚同火炙中拖羅好有魚油香、火炙左口魚邊係男友至愛、最特別係蔥吞拿魚腩蓉係由廚師切碎，而唔係現成嘅吞拿魚蓉，好有心思。跟住叫咗幾款串燒都好高質，燒得好香，調味剛剛好。仲叫咗枝豆同炒雜菜，配鰻魚炒飯，好豐富非常滿足啊！