Flames (鴻圖道)

營業中

休息中

星期六跟朋友去左觀塘鴻圖道參加工作坊，上完堂就當然要去補充下體力，所以朋友就帶左我嚟Flames食個豐富嘅午餐啦！餐廳環境好舒服，整個氣氛都好輕鬆，而且座位都坐得舒服。我地叫左兩個Set Lunch，另加配左餐湯同甜品。飲品我地就叫左兩杯凍檸茶。是日餐湯就係南瓜湯， 南瓜味好豐富超濃郁，入口仲有絲絲嘅南瓜蓉添。嚟到就當然要叫佢地好出名嘅手工Pizza，所以就叫左一份 海鮮香草茄醬薄餅，薄餅嘅份量好大，鮮蝦、魷魚、煙三文魚都好足料，連埋個有厚度但又好鬆軟嘅餅底一齊食，層次即刻變得好豐富，味覺同口感都一流。另外一份 燒大蝦三文魚籽龍蝦汁扁意粉都非常唔錯，超新鮮大隻嘅大蝦肉質彈牙，再搭配勁有份量嘅三文魚籽，直情係味道大滿足。而扁意粉掛上creamy嘅龍蝦汁，入口都特別鮮味。最後就到 是日甜品 芝士蛋糕，芝士蛋糕嘅甜度適中，口感順滑，食落唔會覺得膩。