牛站(駅)麻辣火鍋放題

營業中

休息中

天氣涼涼哋就好想約埋朋友食返餐麻辣火鍋放題，就打電話嚟到觀塘分店的「牛站駅」麻辣火鍋放題訂位。入座後先到餐廳外面自助區取食物，有多款冷盤、火鍋配料、麻辣小龍蝦、冷熱飲品及甜品等…湯底我們就選擇了椰子雞湯，真材實料飲落鮮甜。食火鍋點少得牛肉，我們點了美國極黑和牛，色澤均勻而且好新鮮，每一片都切得好薄容易入口鮮嫩無比。美國肩胛肉肥瘦適中，牛味香濃。大蜆粒粒都帳卜卜好清甜，海蝦夠新鮮彈牙，牛柏葉和土魷好爽口加入火鍋醬料一齊食，口感一流。乳鴿香噴噴外皮香脆可口，十分惹味！款款食物質素不錯！特別推介珍珠奶茶，茶底清香珍珠軟綿綿好好飲，仲有Häagen-Dazs 雪糕同不同款式的雪條甜品，食完好滿足。