February

營業中

休息中

觀塘工商廈林立，喺度返工嘅打工仔當然好需要有啲chill啲嘅餐廳調劑下。呢間「February」就係我喺觀塘商業區食過氣氛同環境最chill嘅一間餐廳，推薦俾大家：餐廳裝修好有特色，掛左好多充滿異國風情嘅燈飾。檯與檯之間空間都好夠，所以傾計唔會因為太近而俾隔離位聽到曬！餐廳keep播放啲卡拉OK MV，令人心情放鬆。食物選擇都唔少，俾大家睇下餐牌：最後我同朋友叫左三樣嘢，兩杯飲品。牛扒好大塊，煎得啱啱好，唔會鞋，而且賣相都幾吸引。香腸拼盤有三款香腸，每一款口味各有不同，但都係好juicy嘅！鍾意食香腸嘅朋友一定喜歡。水牛城雞翼嘅醬汁調得好香，每隻雞翼都好飽滿。正！南瓜湯好濃，賣相亦好靚！總結：呢間February環境好chill，食物水準相當唔錯，價錢都合理。